Single Room[/caption]
Baptist House, Annex Building Aizawl, Upper Khatla-a Guest Room sak chu luah theihin peih fel a ni ta a, July 13, 2019 (Inrinni) khian Rev. F. Ramdinmawia, General Secretary, BCM chuan Pathian hnêna hlanna neii a hawng ang. Tuna Guest room thar hi Main Building khaw chhak lamah sak zawm a ni.
Baptist House, Khatla hi a sak tirh 1985 atangin Executive Secretary Office, Book Room, Printing Press leh thawktute Quarters bakah Guest Room atan hman a ni thin a. Kum 2017, April thlaa Building thlanglam State Convention Centre sakna tur laih anih khan hlauhthawnawm khawpin a thlang lei a tlahniam a, Building thenkhat lai phei chu vuak chhiat hial niin, a thenawm chiah Bible house phei chu thiah vek a ni bawk. Hetiang a nih avang hian Building chu luah ngam lohin a awm ta a, Office te, Book room leh Quarters te sawn chhuakin tun thlengin Baptist Centre lamah an la awm a. Sorkar lam atanga tanpuina sum hmangin siam that tum mek a ni bawk.
 |
 |
 |
He Guest room siam thar hi BCM hruaitute Office duty-a zin vei vak leh mikhual pawimawh zualte thlen nana buatsaih a ni a. Room pahnih a awm, a chung zawkah Double beded room pakhat a awm a, a hnuai zawk room-ah khum pahnih, (double & single) dah a ni bawk, tunlai leh changtlung taka thuam a ni.
