Administrative Committee-in Covid Hospital

[caption id="attachment_19384" align="alignright" width="300"] Baptist Covid Care Centre : Ramzotlang, Serkawn[/caption]

buatsaih tura a ruahman tawh bawhzuina leh tun dinhmun hetiang hian General Secretary Rev. F. Ramdinmawia hnen atangin hriattirna kan dawng.

H R I A T T I R N A

BCM Administrative Committee-in Covid Hospital buatsaih ni se ti a July 1, 2021-a a rel chu a tul anga bawhzui zelin Sub-Committee tumhnih lai thukhawm in ruahmanna pawh engemawchen siamfel a ni ta a. A hming atan hian ‘Baptist Covid Care Centre (BCCC) tih a ni.

A awmna hmun tur hi R&D office awmna thin Ramzotlanga a ni ang a, tunah hian buatsaih mek a ni. Baptist Covid Care Centre din tur hian sawrkar lam atang pawhin phalna hmuh fel tawh a ni a, BCM hnuai a thawklai doctor, nurse, technician leh thawktu dang ten a hmunah an awm chilh ang a, tun dinhmunah chutianga thawk thei tur doctor, nurse leh staff dang engemawzat an inpe tawh a, a lawmawm hle.  He BCCC hi Covid hripui in min nuai chhung atan chauh ruahman a ni.

BCCC dinna tur hian kohhranin a dil leh beisei hauh lovin, a pawimawhna leh tulna hria kohhran-a pawl (Fellowship Department) leh mi mal thanemngai te atangin sum engemawzat dawn a ni a, a lawmawm takzet a ni.

A hmunhma buatsaih hna ngawrh taka kalpui mek niin, July 28, 2021 (Nilaini) a hawn hawn beisei a ni.

Kohhrante tawiawmna leh tawngtaipuina kan ngen e.

Sd/-
Rev. F. Ramdinmawia
General Secretary,
Baptist Church of Mizoram

Dated: 20^th July 2021