Baptist Youth Fellowship of India (BYFI) buatsihin October 26-29, 2017 chhung hian National Baptist Youth Leaders Summit-2017 chu Mumbai-ah neih mek a ni a. He hun hmang tur hian Mizoram Thalai Kristian Pawl atangin mi 26 telin FOD Director Rev.KV Thanga, MTKP Organiser & BYFI Secretary Rev. Lianchhunga Khiangte leh Rev. Samuel Lalremsanga, BYFI Adviser ten an ho a ni. He Summit thupui atan I Timothy 4:12 'Inspire, Initiate, Impact' tih chu hman a ni.
He Leaders' Summit hmang tur hian India ram hmun hrang hrang atangin Baptist Thalai mi 150 dawn an tel a. Facilitator 5 awmin topic hrang hrang zirhona an nei ang. Chung Facilitator te chu : (1) Rev Rob Ely, Director, Baptist Campus Ministries, USA. Thupui : Emerging Issues Confronting Christian Youth Today" (2) Pastor John Christopher, Centenary Baptist Church, Hyderabad. Thupui : Media (3) Ms. Asha Sanchu, Director, Miglat Ministry - Thupui : Human Trafficking (4) Mr. Krista Roluahpuia,(BCM - MTKP) Research Scholar, Molecular Beam Epitaxy Research Group, IIT Mumbai. Thupui : God and Career (5) Elder Zachary Kijinski, Midison Place Community Church, Cincinnati Cho, Thupui :- Values te an ni.
[caption id="attachment_11253" align="aligncenter" width="720"]
Krista Roluahpuia @ NBYLS Presentation of Paper: God and Career (27:10:17)[/caption]
Baptist Youth Fellowship India ah hian Convention 19 awmin tun tum NBYLS ah hian Convention 17 an tel thei bawk. BYFI President Rev Vikhua Rhi, chuan thupui sawi hawnna a nei a. India ram ah hian Christian tlem te awm mah ila. Ringlo mite hnenah Chanchintha hril turin thalaite hian tan kan lak thar leh a ngai tawh a. Isua zirtirte kha mi tlemte an ni a, khawvel ram hrang hrangah a chanchintha an hril thei a. Chuvangin, keini thalaite pawh hian theihtawp kan chhuah ve a hun tawh tak zet a ni, a ti.
National Baptist Youth Leaders Summit-2017
