Assembly 2022[/caption]
March 10-12, 2022 khan BCM Biak In Gilgal Theiruat-ah Assembly Rorel Vawi 126-na neih a ni a, Mizoram chhung hmun hrang hrang leh ram pawn atangin palai 686 an kal. Assembly Thurel tlangpui bakah Report leh thil pawimawh dang te kan han tarlang ang e:-
-
Minister leh Kohhran Upa kaltate sunna: 2021 โ 2022 inakara kan rawngbawlpui Minister panga leh Kohhran Upa 113 Chatuan tram min kalsantate sunna neih a ni a. An kalsan tak chhungkua leh Kohhran hote tana Tawngtaisakna Rev. V. Vanlalchhunga, Bialtu Pastor, Zotlang Pastor Bial-in a hmang.
-
President Elect thlanna: Assembly nomination Committee-in President Elect atana a ruat mi pang ate atangin Secret Ballot hmangin President elect thlanna neih a ni a, Rev. KV Thanga chu thlan a ni.
-
Statistician thlanna: Planning Commission vawi 5-nain ruahmanna a siam angin Kohhran Up ate atangin Statistician atan Assembly Nomination Committee-in mi panga a thalng chhuak a, heng mi panga atang hian Secret Ballot-in Upa C. Hrangdula, Bazarveng, Lunglei chu Statistician atan thlan a ni.
-
Assembly 2024 Hun leh Hmun tur: March 6-10, 2024 ah BCM Biak In, Electric veng, Lunglei ah Electric Pastor Bial in an thleng ang.
-
Hnathawktu Thihna avang leh Voluntary-a chawl te: Kum 2021-2022 chhung in thawktu 8 ten ropuina ram ah min kalsan a, mi 5 te voluntary in an chawl bawk.
-
Hnathawktu Superannuation Pension-a chhuak tur te: Kumin 2021-2022 leh kum thar 2022-2023 (March) chhunga thawktu superannuation pension-a chhuak tur mi 9 an awm.
- Contract-a thawk mek mi 42 te hna nghet (regular)-a hlankai an ni.
-
BCM Thirin Puanchhuah ennawn thu: 5th Planning Commission rawtna umzuina a ni a, Administrative Committee in a ennawn tur in Rev. Dr. R. Zolawma (Convener) leh mi dang pahnih Rev. Dr. C. Vanlaldika & Rev. B.Zirsangliana te a ruat a, an ennawnna hi Assembly Executive Committee, January 19 & 20 BCM Biak In Venglai ah thlir a nih hnu in, Assembly 2022 ah pawmpui tura chhawpchhuah a ni a. Assembly 2022 chuan "an rawn thlen ang hian pawm a ni a, thubelh leh siam rem ngai te hre rengin lo siam rem ni se tih a ni. Administrative Committee-ah report ni se tih a ni." ti in a passed a ni.
-
Pastor atana Ordain leh Pastor atana lak thar: Tun tum Assembly ah hian Pastor atan mi 9 nemngheh an nih bak ah, Pastor atan mi 5 lak thar an nih thu report a ni.
-
Pastor Bial Thar. Pastoral Ministry Department Committee leh Assembly Executive Committee te kaltlanga ngaihtuah vek tawh Champhai Pastor Bial then a, Pastor Bial thar 'Bethel Pastor Bial, Champhai' hawn tur ruahmanna report a ni. Pastor bial 92-na tur a ni.
-
ABC Thar. Pastoral Ministry Department Committee leh Assembly Executive Committee te kaltlanga ngaihtuah vek tawh, Serchhip ABC then a, ABC thar 'Thenzawl ABC' siam thar tur report a ni.
-
Mission Department Thawktu Confirm. Mission Department hnuaia thawktu (Missionary) te mi 9 confirm an ni.
-
Thawhhona Thar. Madhya Assam Baptist Association, Sibsagar Baptist Association (Assam) leh Upper Subhansiri Baptist association (Arunachal Pradesh) te nena thawh hona tur MOU te thlirho a, pawm a ni.
-
Thawhho Mekna Pawhsei. Apatani Baptist Association (Arunachal Pradesh) leh Indian Evangelical Mission te nena kan thawh hona kumin 2022-a tawp tawh tur chu, anni lam hian thawhhona pawhsei an rawn thlen ang in remtih a ni.
-
Mt. Carmel School BCM Kuta Hlan thu. Mt. Carmel School, Roing, Arunachal Far East Field ami chu kan thawhpui Dibang Lohit Baptist Churches Association ten kum 10 chhung (2022-2023) atan BCM kutah an hlan a, hemi chungchang hi Mission Working Committee (November 2021) leh Assembly Executive Committee (January 2022) ah te ngaihtuah a nih hnu ah, Assembly 2022 ah ngaihtuahin MOU te pawh thlirho a ni a, remtih a ni.
-
Prem India Mission. Prem India Mission (PIM) ten BCM recognision an dil chungchang hi Mission Board Meeting leh Assembly Executive Committee (January 2022) ah te ngaihtuah a nih hnu ah Assembly 2022 ah ngaihtuah a nih leh hnu in, recognision pek hi remtih a ni.
-
Post Ruak Hnawhkhah. Post ruak hnawh khah dilna Pastoral Department atangin 9 (Pastor), Education atangin 2 (iv Grade & MS Teacher), Relief & Development atangin 1 (Asst. Coordinator), Mission Department atangin 9 (Missionary) a vai in post ruak 21 hnawhkhah dilna remtih a ni.
-
Post Thar. Post thar hawn dilna Medical & Health atangin 7 (GNM), Property Department atangin 1 (Asst. Architect) Literature & Printing atangin 2 (Machine Operator) leh Fiance & Pension atangin 1 (Accountant) ngaihtuah a ni a, remtih a ni.
-
Gospel Centenery Building Falkawn. Gospel Centenary Building, Falkawn 'Kawtzawl pumpui, Hall leh a hnuai chiah floor te' BCM Chanmari atanga kohhran thar in danna tur atan pek remtih a ni.
-
AICS-a Diploma in Christian Studies (DCS) Hawn. A hmuna awmchilh kher lova Pathianthu zirna Programme, Diploma in Christian Studies AICS-a hawn remtih a ni.
-
AICS Silver Jubilee Project. AICS Silver Jubillee (2025) Project atan Multipurpose Hall, mi 500 vel leng sak chungchang ngaihtuah a ni a, Plan-a awmsa a ni a, Property Committee in a tihhlawhtlin dan lo ngaihtuah se tih a ni.
- Ram Pum Huap Chawnghei Tawngtai. Rampum huap tawngtai chungchang hi ABC 3 atangin a lut a, Rampumhuap Chawnghei Tawngtai hi neih ni se, Administrative Committee in lo bawhzui se tih a ni.
-
Pathian Biak Inkhawm Kaihhruaina hmun Chungchang. Assembly thurel umzuina kan hman mek Pathian biak inkhawm kaihruaitu thutna chungchang chu kohhran dinhmun a inan loh avangin Tualchhung Kohhran in remchang a tihna hmun atanga neih (inkhawm hruai) ni se tih a ni.
-
2022 โ 2023 Budget: BCM Budget 2022 โ 2023 atan cheng Nuai 11,791.13 pawmin, Nikum aia kumin budget punna hi cheng nuai 323.93 a ni a, kum hmasa aia Budget punna hi za zela 2.82 % a ni. Budget pumpui atanga Kohhran thawhlawm (Church Contribution) tur chu cheng Nuai 7876.92 a ni a, hei hi Budget pumpui atangin za zela 66.80 % a ni. Kum hmasa aia Target punna hi cheng nuai 138.39 ( Za zel a 1.79 %) a ni.
-
Kumin Assembly ah hian Myanmar, Sanmyo Baptist Church leh Varpui Baptist Church atanga palai lo kal te kal tlangin, an mi leh sa Mizorama raltlan awmte chhawmdawlna atan BCM chuan cheng nuai 2 a hlan a, BCM aiawhin General Secretary Rev. F. Ramdinmawia'n a hlan a ni.
Heng Assembly 2022-a thurel, reoport leh thil pawimawh dang kan han tarlan te hi Assembly 2022 Minute bu-a a inziak atanga lak chhuah a ni e.
