[caption id="attachment_13734" align="alignright" width="300"] BCM Assembly 2019, Venglai[/caption]

Odhisa Mission Feild hawn remti, Pay Commission rawtna pawmin, Planning Commission din remtih a ni bawk. ......................

Mizoram Baptist kohhran Rorelna sang ber, BCM Assembly vawi 123-na BCM Venglai Lunglei neih mekah Rorelna nihnihna chu zawh fel a ni a. Nimin leh vawiin lama thu passed langsar chin chauh lo tarlang ila:--

1. BCM Pay Commission 2018 rawtna leh report pawm a ni a, April 2019  atangin hei hi hman tan tur  ani ang.

2. BCM Nomination Committee-in Assembly Executive Committee kaltlanga Planning Commission din rawtna chu remtih a ni a, Member tura chhawp chhuah te pawh pawm a ni. January Executive Committee-ah en theih tura ruahmanna te lo duangin Assembly 2020 ah pawm tura thlen leh a ni ang.

3. Odhisa Mission Field thar hawn remtih a ni.

4. Nursing School Serkawn chu Nursing College-ah upgrade remtih a ni.

5. Kristianten kan hunpui, Krismas leh Good Friday bawh buai thei zawnga programme siam lo turin Central Sorkar a thlen turin Mizoram Sorkarah ngen ni se.

[caption id="attachment_13735" align="aligncenter" width="720"] BCM Assembly 2019, Venglai[/caption] Heng bakah hian Nomination Committee-in BCM aiawha palaina hrang hranga aiawh kal tur a ruat te, Assembly hnuaia  Committee hrang hranga member tur a lo ruat leh rawtna te pawm a ni a, Pastoral Committee in Pastor atana a lak thar te, Executive Committee ain Pastor ordain tura a thlan chhuah te report a ni bawk. Tin, Mission Committee leh Administrative Committee ten MOU renew tur leh sign thar pui tura a thlen te remtih a ni bawk. Naktuk, March 9, 2019 Inrinni hian ABC atanga thu lut te ngaihtuah a ni ang a, rorel zawh hman beisei a ni. Inrinni zanah Vantlang inkhawm awmin, Pathianni chawhm Inkhawm chu Ordination Service atan hman a ni ang a, Pastor 8 nemngheh an ni ang. Read more: Assembly 2019 Reports