Mizoram Baptist kohhran Assembly  Rorel, ni thumna neih mek a ni a, hriat theih hnuhnung berah Rorel palai 950 niin, nimin chawhnu leh vawi chawhma lama an thu rel langsar zingah  Zuk leh hmuam kan sim theih nan  Mizoram Baptist Kohhran hian chak zawkin hma lak ni se,  BCM Ordain minister te, Sawrkar hna emaw rawngbawlna ni lo hna dang vuan an awmin an ordination chungchang tihchian nise tih te a tel. Heng bakah hian Thawktu Pension-a chhuak tur te, thawktu Comfirm tur te, Post 17 hawn dilna leh Post 8 hum dilna  pawmin, Vehicle(Light) hlui tih ral leh a thar (Light vehicle 4 leh Bus-1) lei dilna a pawm bawk.

An thurel kan hriat theih zinga langsar zualte lo tarlang ila: Hengte hi ABC hrang hrang atang thu lo lut, an passed te a ni:-

1. Assembly thurel pawimawhte a bua chhuah leh nise; Assembly Executive Committeethurel pawimawhte pawh telh ni se

2. Zuk leh hmuam kan sim theih nan Mizoram Baptist Kohhran hian chak zawkin hma lak ni se.

3. Lunglei South Area Baptist Council (LSABC) hi pahnihah then ni se

4. BCM pumpui hmalak mek Dialysis khawl leina tur hian BCM tualchhung Kohhran tin hian chawlhni zing vawi khat thawhlawm hi Bial kaltlangin pek theuh ni se.

5. BCM Ordain minister te, Sawrkar hna emaw rawngbawlna ni lo hna dang vuan anawmin an ordination chungchangah BCM kal dan tur tihchian nise

6. BCM pumpui huapin Kohhran fahrah leh harsa zualte tichangtlunga tinghet turinchhawmdawl hi uar zawks kalpui nise .

7. Aizawl khawpuia hnam dangte hnenah Chanchin Tha rawngbawl hna chak takin kalpui ni se.

8. Mizoram Chanchin Tha lo thlen kum 125-na (Quasqui Centennial) hi lawm turin ruahmanna siam ni se.

9. Assembly-in thu a lo tih tluk tawh “Aizawlah hian Camping Centre din nise” tih hi hma lak tan tawh ni se.

10. BCM Assembly hian BCM huam chhunga School hrang hrangte enkawl/ kaihhruai dan (Education Policy) mumal zawkin siam ni se

11. Pathianni serh chungchangah hmalak nise, a tul dana zirin Inkaihhruaina pawh siam nise

12. Kum 1946 hi Jubilee Bible School din kal zel anga pawm ni sela, a History pawh chuta tang chuan chhui chhoh zel ni se

13. BCM Headquarters hian a remchan danin Pastor Bialah te hian Financial Campaign tih ve thinni se

14. Sunday School Senior ‘B’ Zirlai hi topical Study-a siam ni tawh se.

  Zanin Programme:

Zanin Dar 6:30 hian Pathian Biak Inkhawm a awm leh ang a, hetah hian kum 2015 chhunga Bial Sunday School titha Top 3 te hnenah lawmman sem leh kum 50 Sunday School ZIrtirtu/hruaitu hna lo thawk tawhte chawimawina mi ... hnenah sem a ni bawk ang.

Inkhawm hi Upa Dr. R.Lalthangliana, Kanaan, Aizawlin a kaihruai ang a, TBCU Palai hnen atangin chibaibukna thu ngaihthlak a ni ang. Rev. R. Lalrintluanga'n “Kristian nun chu - Hmangaihnaa Rawngbawl Nun a ni” tih thupui hmangin thuchah a sawi ang a,  Zemabawk Pasator Bial, BCM Choir Bial, Buarpui PasatorBial leh  Lawngtlai ‘N’ Pasator Bial zaipawl ten fakna hla an rem ang.