January Executive Committee 2020[/caption]
Lunglei,Serkawn: 23rd January 2020: Mizoram Baptist Kohhran Assembly hnuaia Rorelna sangber, Assembly Executive Committee Meeting chu January 22 & 23, 2020 (Nilaini) khan BCM Hall, BCM Headquarters Office, Serkawn-ah neih a ni a. Meeting hi Rev. Pc Liandula, BCM President-in a kaihruai a, General Secretary Rev. F. Ramdinmawia’n Financial Year hman lai mek report tlangpui a pe bawk. Tun tum meetingah hian Committee member 191 an kal a ni.
Meeting thu ngaihtuah langsar zingah – Pro.Pastor, Probation hun hmang zo, Assembly 2020-a Ordain turin mi 6 thlan an ni a, Pastor lak thar mi 5 report chu pawm a ni bawk.
Tin, Pastor Bial thar pathum - North Vanlaiphai Bial, Mampui Bial leh Chawngte L Pastor Bial hawn belh tura ruahmanna chu Assembly-ah thlen chhoh remtih a ni a, Supplementary Budget Dilna hrang hrang atangin a pumpuiah cheng nuai 9,54 leh sing thum pek a remti bawk. Heng bakah hian kum 2020-2021 Budget tur Fianance Committee ruahmanna chu thlirin Assembly 2020-ah thlen chhoh turin hetiang hian passed a ni.
Cetral Sector-ah Nuai 3932.29, Mission Sector-ah nuai 3022.22 lehService Sector-ah Nuai 3605.50 a ni a, Budget pumpui atan Nuai 10,550.31 niin kum hmasa budget aia a punna hi za zel a 11.34 a ni.
[caption id="attachment_15590" align="aligncenter" width="720"]
Assembly Executive January 2020[/caption]
General Secretary Rev. F. Ramdinmawia’n kum kal meka BCM pumpui leh Department hrang hrang khaikhawmin report a pe a. A report atanga thu langsar zual te chu-
Kolkatta Baptist House atana Building lei thar chu October 25 atang khan luah a ni a, Kum 2019-2020 BCM Target April-October chhungin cheng Nuai 354 Sing 6, sang 5 leh 952 (354,65,952.00) hmuh a nih thu te, Kumin Financial Year chhung atan Biak In hmun leh Ram lei nan cheng nuai 241, Sing 7 (2,41,70,000) passed tawh a nih thu a tarlang bawk.
Assembly 2019 thurel bawhzuiin Mission Field thar atan Odhisa Field hawn turin ruahmanna kalpui mek anih thu leh January-December 2019 chhungin Mission Field hrang hrangah ringthar 3,557 an neih thu leh Kohhran thar 29 an din thu a tarlang bawk.
