Assembly hnuaia Rorelna sang ber, Assembly Executive Committee Meeting chu January 19 & 20 (Nilaini leh Ningani) khan BCM Biak In, Venglai, Lunglei-ah neih a ni a. Meeting hi BCM President, Rev. Dr. V. Laldingliana’n a kaihruai a, General Secretary Rev. F. Ramdinmawia hnen atangin Department hrang hrang report ngaihthlak a ni.Report-in a tarlan zingah - Kumin 2021-2022  Financial Year kal mek Target pumpui  Rs.77,65,90,000/-  niin, April – December  (thla 9) chhung a Kohhrante thawhlawm tlingkhawm chu Rs. 53,66,50,394/- (hmuh zat pecent chu za zelah 69.10% a nih thu leh thla kaw chhunga hmuh beisei zat tlinlohna hi Rs. 4,57,92,106/- niin, tun dinhmuna Target tlin lohna percent chu za zelah 5.89 a nih thu a tarlang.

Constitution thar buatsaih chu chhut zawh tawh a nih thu leh Bial hrang hrangah thawn chhuah a nih tawh thu te, Executive Committee Hnuhnung ber, August 2021 leh tun inkarah Missionary 11 tirhchhuah an nih thu te a tarlang a. Hetihlai hian tun financial Year hman lai mekah Kohhrana thawktu chatuan ram min pansan ta mi 7 an awm thu leh voluntary pension-a chhuak mi 5 an awm thu a tarlang bawk.

Kumin Executive committee Meeting-ah hian Kum 2022-2025 atana BCM hruaitu tur thlanna neih a ni a, General Secretary atan Rev. R. Lalbiakliana chu thlan a ni a, Associate General Secretary (Mission) atan Rev. Dr. R. Lalthanmawia leh Associate General Secretary (Service) atan Rev. R. Lalnunzira te thlan ni in, Executive Secretary – Aizawl Area atan Rev. R. Lalrintluanga leh Executive Secretary, Lawngtlai Area atan Rev. Dr. H. Lalthlamuana a te thlan an ni bawk. Assembly Nomination Committee-in Head of Department leh Institution Head a ruat te chu hetiang hian pawmpui an ni

  Head of Department (Director) te:

Christian Education, Fellowship & Worship	:	Rev. ZD Rodingliana
Finance & Pension	:	Upa K. Lalrohlua
Pastoral Ministry	:	Rev. C. Vanlalmuankima
Property	:	Er. Victor Lalrinawma Sailo
Administrative Officer (AO)	:	Pu, Lalruatkima
Principal AICS (Theological Education)	:	Rev. Dr. C. Vanlaldika
Mission	:	Rev. Lalremsiama Ralte
Communications, Literature & Printing	:	Rev. Dr. Lalzarliana
Education, Relief & Development, Social Concern	:	Rev. L. Vanlalsanga
Medical & Health	:	Upa Dr. Lalramzauva
Head of Institution (Principal) te:
Higher And Technical Institute, Mizoram (HATIM)	:	Pu V. Vuansanga
Jubilee Bible School(JBS)	:	Rev. K. Lalbiakenga
School of Nursing, CHS,	:	Pi Hmingthanmawii Pachuau
Baptist Higher Secondary School, Serkawn	:	Upa C. Lalhmingmuana
Baptist English School, Serkawn	:	Pi C. Lalawmpuii

Pastoral Committee-in Pastor atana a lak thar mi 5 te pawm an ni a chungte chu:

1. Zomuankima (Chaltlang),
2. Johana (Farkawn),
3. Lalduhawma (Lunglawn),
4. Vanlalthansanga (Zawlpui) leh
5. V. Lalramthara (Mahanaim, Lungsen)

Pastor atana buatsaih mek, an probation hun kum thumna hmang zo a mi 9 te chu, kum in 2022 Assembly-a Ordain turin an vaiin thlan tlin an ni bawk, chung te chu:

1. P. Lallawmawma (Cherhlun Bial),
2. James Lalnunhlua Chinzah (Aizawl Central Bial),
3. Lalsangliana Pachuau (Bawngkawn Bial),
4. R. Laltanpuia (Theiriat Bial),
5. Laldingngheta Sailo (Rahsiveng Bial),
6. Lalhimpuia Khiangte (Zotlang Bial, Lunglei),
7. Rohlupuia Renthlei (Zotlang Bial, Aizawl),
8. Vanlalrema Renthlei (Luangmual Bial, Aizawl),
9. H. Lalrammawia (Bazar Bial, Lunglei) te an ni.

Heng bakah hian Kum 2022, Assembly –ah Covid hrileng avanga Sorkar-in kal thei tur zat 50% a bithliah vangin Ex.Officio memberte bakah Tualchhung Kohhran aiawh pakhat theuh kal tura ruahman chu pawm a ni a, MTKP President atan Upa R. Lalrochama leh Senior Adviser atan Upa Dr. Lalchhanhima Fanchun te Administartive Committee in a ruahmanna chu pawm a ni. Champhai Pastor Bial pahnih-a then leh Serchhip ABC then tura ruahmanna chu Assembly-a thlen tura pawm a ni bawk.

Thurel langsar zingah, Mission Department hnuaia thawktu mi 9 te dah ngheh (Confirm) tur leh Kohhrana thawklai (Contract) mi 43 te Substantive-a hlankai tura ruahman chu pawmin Assembly-ah report ni se tih a ni.

Kum 2022-2023 Budget ruahmanna pawm a ni a, Budget pumpui cheng nuai 11,815.53 niin hei hi kum hmasa budget aiin cheng nuai 368.83 aiin a sang a, budget punna percent chu za zelah 3.22 % a ni. Hemi atang hian Kohhran thawhlawm (Church Contribution) tur chu cheng nuai 7895.12  niin, kum hmasa aia a punna tur hi cheng nuai 168.89 a ni a, Church Contribution bika a punna chu za zelah 2.19% a ni.