Mizoram Baptist Kohhran, Assembly hnuaia Committee lian pathum - Service, Mission leh Central Committee Meeting,  Sap Upa leh Pu Buanga Hall, Serkawn-a neih chu November 24, 2016 khan tluang takin an zo fel ta a, November 25, 2016 khan Nomination Committee meeting nei zuiin tluang takin an zo fel ta bawk.

Tun tum Meeting hi kum 2017-2018 atana Department Planning leh Budget ruahman te an pharh hun a nih avangin Meeting hian ni hnih(2) a awh a ni. 2017-2018 Plan leh Budget chu Assembly Executive Committee-kaltlangin Assembly 2017-ah pharh a ni ang. Assembly Executive a thlen chhoh hma hian Finance Committee-in chul mam ngai leh siam that ngai te a lo en fel leh dawn a ni.

Mission Committee thurel langsar zualte:

1. Indian Evangelical Mission leh Baptist Church of Mizoram thawhhona thuthlung pawtsei tura dilna chu Assembly-ah thlen chhoh remtih a ni.

2. Thlarubo zawngtute (TBZ) leh Baptist Church of Mizoram (BCM) thawhho dan tur siam tura ngenna chu Administrative Committee-ah thlen remtih a ni.

3. Non-Mizo Fellowship Hming “Baptist Masihi Sangiti” tia thlak tura Mission Board Committee-in rawtna a thlen chu remtih a ni.

4. Missionary Substantive Post 3 leh Temporary Post 2 Pension-a chhuahsan tur Post hum dilna chu Assembly-ah Post hum dilna hi thlen chhoh remtih a ni.

5. Mission Department hnuaia thawktu, a hnuaia tarlante hi Assembly 2017-ah confirm tira thlen chhoh remtih a ni.

Sl/No	Hming	Date of Appointment	Thawhna hmun
1	Isaac Rochunglura Chinzah	01 – 04 – 2010	Guwahati, Assam
2	Zokaisangi	01 – 04 - 2008	Chhuahthum, Mizoram
3	H.Lalhuliana	01 – 08 - 2010	Longpuighat, Mizoram
4	H.Lalbiakveli	01 – 06 - 2011	Serhuan, Mizoram
5	Eunice Lalrinpuii Khiangte	01 – 06 - 2012	Birpara, W. Bengal

 

6. Budget 2017-2018 leh Annual Working Plan – 2017-2018 chu pharh a ni a. Finance Committee-a thlen chhoh hma-in Committee-in a duhdan leh a sawi te hre rengin siamthat ngai leh en that ngai te lo enzui leh phawt ni se tiin dah a ni.

Central Committee thurel langsar zual te:

1. Mizorama Missionary hmasa ber pahnihte zing a pakhat, Pu Buanga (Rev. JH. Lorrain) thlan, South Eeling Cemetry, London ami chu BCM Administrative Committee-in chei that nise tia rawtna chu Assembly ah ngaihtuah turin thlen chhoh remtih a ni.

2. Assembly thurel Pathianni serh chungchanga inkaihhruaina umzui tura ruat mi panga ten an lo duan chu Assembly ah pawmpui turin thlen ni se tih a ni.

3. Andrew Lalhmangaiha, Assistant Professor AICS chu Associate Professor-ah hlankai remtih a ni.

4. Theological Education Board hnuaia thawktu, AICS a Assistant Professor pahnih - Moses Lalrohlua Sailo leh C.Lalhmachhuana te chu Confirm turin Assembly-ah thlen remtih a ni.

5. AICS-a Shekina Institute of Mission (SIM) bulding sak puitlin nana tualchhung Kohhrana Appeal siam dilna Assembly-ah thlen remtih a ni.

6. Property Committee chuan Motor hlui kawl man hla tawh lova a hriat pathum - Gypsy King(Hqrs.Office), Sumo Victa Gx(Hqrs.Office), Scooty - Mahindra (ES Office,Lawngtlai) leh kum hmasa lama Assembly-in tihral a lo phal sak tawh Baleno Car(Hqrs.Office), leh Gypsy (BPP kawl lai) te nen avaiin Motor hlui panga(5) tihral tura rawtte chu Assembly-ah thlen chhoh remtih a ni. Tin,  ahnuaia tarlan Vehicle thar panga lei dilna Assembly-ah thlen chhoh remtih a ni bawk.

S.No	Vehicle	Place	Source
1	Gypsy	Hqrs.Office	Assembly
2	Scorpio	Hqrs.Office	Assembly
3	Scooty	ES Office,Lawngtlai	Assembly
4	Bus	BHSS,Junior Section	Assembly &  School (50%)
5	Bus	BHSS	Bank Loan(School)

                         

7. Annual Working Plan 2017-2018 leh Proposed Budget 2017-2018 pharh chu thlirhona atangin a pumpui thlira lo siamrem turin Finance Department in lo hma zel se tih a ni.

    Service Committee thurel langsar zual te:

1.   Christian education Department hnuaiah Sunday School Text Book Sub-Committee din thu remtih a ni.
2.   BCO tana Operating Reserve Fund Rs 10 khawn dilna, Social Concern Department atanga lut chu Assembly-ah ngaihtuah tura thlen chhoh a ni
3. Education Committee-in Education Policy-2016 a duan (Write-up) chu pharh a ni a. Ngun zawka la zir chiang lehin siam that ngai te lo siam tha leh se la, Service Committee ah en nawn leh ni se tih a ni
4. Post thar hawn dilna: Post 14 hawn thar remtih a ni a, Finance Commiittee-ah thlen ni se tih a ni. Finance Committee-in rem a tih chuan Assembly-ah a thlen chho leh ang:-
5. Post hum dilna:  Substantive Post ruak (chhuahsan) 3 - Nursing Tutor-1, BLS Branch Manager – 1, M/S Teacher -1  leh Doctor Specialist Post pakhat hnawhkhah loh nen avaiin Post 4 hum dilna chu Assembly ah thlen chhoh remtih a ni bawk:-
6. Budget: Service Committee hnuaia Department te Budget Estimate 2017-2018 atan Rs. 276,775,988.00 ruahman chu pawm a ni a, Finance Committee-ah thlen chhoh remtih a ni.

See details: Service Committee meeting thurel tehnkhat