Mizoram Baptist Kohhran, Assembly Executive Committee Meeting Ni hnih awh tura ruahman chu, a ni khatna, nimin August 30, 2017 khan zawh fel a ni ta. He Meeting hi Serkawn Biak In-ah neiin Committee member 185 an kal.

Meeting hi Rev. H. Lianngaia, BCM president-in a kaihruai a, Pathian thu chhiarin tanna hun leh Devotion hun a hman zawh-ah General Secretary, Rev. F. Ramdinmawia’n kum 2017 April-July chhunga BCM rawngbawlna hrang rhang report tlangpui a pe.

Tun tum Committee-ah hian thu ngaihtuah tur(Agenda) a lut tam lo va, kum kal ta 2016-2017 leh kum kal lai mek 2017 April-July Achievement Report te thlirin Eavluation an nei a, Department report hrang hrang te an thlir bawk. An thu rel langsar zingah – Cntral Committee atanga lut BCM emblem hman dan tur leh hmang thei tur chin ruahmanna thlirho a ni a, chulmam ngaite chulmama en that leh ni se, chumi hnu-ah hman nghal ni se tih a ni. Tin thawktu pension- chhuak tur report te, Finance Committee atanga Budget Revision dilna hrang hrang Health care Scheme 7.6 (thla ruk chhung MR Bill na tur Doctor Prscription nei te Bill valit chu thla 12 chhung atan siam that remtih a ni bawk.

Mission Committee:

Mission Committee chu August 23,2017 khan neih a ni. He Committee-ah hian Member110 a\angin mi 81-te Committee-ah hian an lo kal. Thu rêl \henkhatte:

# Missionary pension-a chhuakte leh upgraded mi 5 awmin hêng mite chhuahsan Post hum hi dîl ni se tih a ni.

# Thawktute pêm hruai dân thua Motor hman chungchâng bîkah Constitution Amendment siam rawtna lo lût pawh Committee sâng zâwka thlen ni se a ti bawk.

# Baptist Church of Mizoram (BCM) leh Galo Baptist Union-te MOU chu 2017 September hian a lo tâwp dâwn ta a, hemi thuah GBU chuan extend an rawn dîl a, Committee meeting chuan thawhho lehna thuthlung siam leh tûrin zir chian leh phawt a, chumi hnuah Mission Board Committee lehah sawi leh ni se tih a ni.

Service Committee:

Service Committee pawh August ni 24, 2017 khan neih a ni a, Member 57 atangin 48 an kal. Thurel pawimawh thenkhatte:

5. Assembly vawi 120-nain a rel tawh angin BCM-in a enkawl sikul te leh Bial leh Tualchhung din sikulte kaihhruaina dan (BCM Education Policy) mumal taka siam tura a tih chu thlirho a ni a, pawm a ni.
6. HATIM-a thawktute dinhmun University Grant Commission duh dan anga ruahmanna thlirho a ni a, Assembly-ah thlen chhoh tura tih a ni.
7. BCM Samaritan Fund siam chungchanga ruahmanna siam chu thlirho a ni a, Meeting lehah sawiho leh ni se tih a ni.
8. BHSS Building sak nana kohhrante Pathian ni zing thawhlawm an dilna chu Assembly-a thlen tura tih a ni.
9. BCM-in Rehabilitation din ni se tih thu ngaihtuah chu Social Concern-in ruahmanna te lo siam sela meeting leha ngaihtuah ni se tih a ni.

Central Committee:

Central Committee pawh August ni 25, 2017 khan neih a ni a, member 57 atangin 46 an kal. Thu rel thenkhatte:

2. BCM Thawktu appoinment signatory atân tûn atang chuan BCM General Secretary ni se tih a ni.
3. FOD inkaihuraina DÂN BUNG - 12: 23. leh BUNG - 12: 24, Phêk 60) hetiangin siamthat ni se tih a ni. “Inkaihhruaina siamthat duhte chuan siam that an duh lai leh siam that an duh dânte chiang taka ziakin kum nga dan (every fifth year)-a M*TKP/MBKHP rorelnaah an thehlut ang.”

Hêng bâkah hian kum hlui 2016 - 2017 Annual working Plan report leh kum kal lai Annual working plan (1st Quarter) report April - June thlirho a ni bawk.

REPORTS

GENERAL SECRETARY REPORT

Rev. F.Ramdinmawia

Thuhma: BCM Rorelna pawimawh tak Assembly Executive Committee member zawng zawngte ka lo lawm che u a, Isua Krista hmingin chibai ka buk a che u. Assembly 2017 kan neih zawh tak hnu lama BCM hmalakna tlangpui hetiang hian ka han report e. I. CENTRAL 1. The Leprosy Mission Trust India nen Pharte zinga rawngbawlin hun rei tak kan thawkho tawh a. Tunah chuan TLMTI nena kan thawhhona tih tawp a ni ta rih a ni. 2. NEICC Day of Prayer October 15, 2017 ah Pulpit exchange neih NEICC Secretary-in a rawn dil a, remtih a ni. Programme hi anmahni lam atanga rawn siam a ni. BCM–ah chuan Aizawl khawchhunga Kohhran 12, Lunglei khaw chhung 9, Lawngtlaiah 6 leh Siahaah 4 ah Programme an rawn siam a ni. 3. BCM Constitution & Rules hi a bu hralh zawh a nih tawh avangin chhut that tum a ni a. Amaherawhchu amendment te a awm nual bawk a, a bu hi remthat deuh tulin Administrative Committee chuan a hria a, a lo ngaihtuahtu tur mi inruat a ni a, hma lak mek a ni. 4. Assembly 2017 Thurel umzui dan: Assembly 2017 Thurel umzui tura Administrative Committee kuta dahte hetiangin hmalak a ni. 1) Pu Buanga leh Sap Upa thlan: Mizoram lamah an thlan design siam a ni ang a, chumi a senso ngai zat te hriat a nih hnuah bawhzui chhunzawm zel a ni ang. 2) Hengah te hian Special appeal siam niin, tarlan ang hian sum pawh hmuh a ni: a) BCM Biak In Hunthar Aizawl - `1,11,51,120 b) HATIM Block D - `5,17,044 c) Shekina Institute of Mission Building (AICS) - `4,38,752 c) Baptist Church Orphanage. - `1,84,710 AIZAWL AREA 5. Aizawl Area-ah hian Bial 27, Tualchhung kohhran 182 awmin Kohhran member 34,000 aia tam mah an awm. Kohhran ten hma an sawn zel. 6. Baptist House Khatla: Lei tla hniam avangin a ban pahnih a chhia a, a chhuat leh bang a khi bawk a, a kawmthlang ko a min bawk. Baptist House-a bungraw awm zawng zawng pawh thiar chhuah vek a ni. Baptist house chungchangah hian sorkar hruaitute C.M., Home Minister, UD&PA Minister, Chief Secretary te hmuh an ni. LAWNGTLAI AREA 7. Kohhran ten hma an sawn zel a, kohhran Upa leh Rawngbawltu meeting hlawkthlak tak an nei a, tualchhung kohhran thar din turin hma an la mek bawk. Kohhran te an tang rual a, hmun leh hma te pawh zawn belh zel a ni. 8. Lawngtlai-a kan Hospital building sak chu chhun zawm zel a ni a, Executive Secretary Office building vertical extention pawh chhunzawm zel a ni bawk. Hei hi kumin hian zawh hman beisei a ni. Paithar leh Phawngpui North Bial Pastor quarters sak mek a ni a, Siaha West leh Hmungbu Bial tan Quarters sakna pek an ni bawk. 9. Tualchhung Kohhran te zual leh harsa te tanpui: Area hrang hrang chhunga tualchhung Kohhran te zual leh harsa deuhte thlangchhuakin, chung kohhran hote tanpui leh tlawh turin kohhran lian deuh te ruat an ni a, mahni kal leh kal kher lo pawhin sum leh an mamawh ang anga tanpui thin a ni. Hetianga kohhranho kan in chhawmdawl tawn hi thil lawmawm tak a ni. FELLOWSHIP ORGANIZATION DEPARTMENT 10. Rawngbawlna tluang takin a kal ve zel a, MTKP hmalaknain HIV/AIDS veite tanpui nan Unit tin atanga thawhlawm khawn a ni a, a thlawna thisen pek kalpui mek a ni a, human trafficking leh ruihhlo thatlohzia inzirtirna neih a ni bawk a, kohhran pawl dangho te nen kan thawhhona kawng hrang hrangah kan thalai hruaitute an inhmang zel bawk. 11. MBKHP Chhawmdawlna In enkawl hna hautak tak pawhin hma a sawn zel a, Building thae pawh sak chhunzawm zel a ni. Kohhran dangte nen a thawhhonaah leh ramdangte nen kan thawhhonaah pawh in palai tawn a ni. 12. Mizoram pum huap BMP meet, BCM Ebenezer, Zobawk South Pastor Bial-a neih tur atan inbuatsaih mek a ni a. KNP lam rawngbawlna pawh theihtawpin kalpui a ni a, 2018 KNP kum 75-na lawm turin ruahmanna siam mek a ni bawk. PASTORAL DEPARTMENT 13. Transfer and Posting: Pastor awmna insawn tur ten an bial an luah kim vek tawh a. Pro. Pastor Lalnunsiama Sailo pawh Ministerial Training a zawh veleh Falkawn (Republic Bial)-ah a lut nghal ang. 14. Kohhran humhalh leh tihpun Seminar: Assembly 2015 thudah umzuiin hotuten Pastor Bial leh Tualchhung kohhran remchang apiangah Leadership Seminar leh campaign an neihpui thin a, a lawmawm hle. A tul dan anga kalpui mek zel a ni. Tunlaiin kohhran thenkhatin kohhran atanga hming thaichiatna te, group indin a zirtirna danglam kalpuina te avangin harsatna an tawk mek a. Kohhranhoten tawngtai chunga tan kan lak a tul hle a ni. 15. Rev. H.Lalsangvunga, LIKBK-a a luh thu: Phawngpui North Pastor BIal enkawltu Rev. H.Lalsangvunga chu April 27, 2017 khan LIKBK-ah a lut a. A ni hi hetiang rilru a pu a ni tih hriat a nih avangin Pastors Conference lai khan Puipaten kawm a ni a. Mahse, a lo tumna a rei tawh avangin a kal tlang ta a ni. A awmna tura ruat Thingsai Pastor Bialah Pro Pastor F.Ngursailova dah fel a ni tawh bawk. 16. Vaduaina: Kan Pastor pensioner Rev. L. Rawna, Serchhip-a awm chuan June 3, 2017 khan chatuan ram min pansan a, kan ui hle. June 4, 2017 a vuina inkhawmah Hqrs atangin BCM aiawha turin Rev. V. Vanlalchhunga, Pastoral Coordinator leh Rev. LB. Khawpuimawia, Communications Director te tirh an ni. 17. Kanhmun Pastor Bial thar hawn: Assembly 2017 thu dah bawhzuiin, Kanhmun Pastor Bial thar chu July 22, 2017 khan Rev. F. Ramdinmawia, General Secretary-in a hawng a, Rev. V. Vanlalchhunga Pastoral Cordinator-in inkhawm a kaihruai. He bial tharah hian tualchhung kohhran 6 an awm. Pro. Pastor Lalhlenzova chu Bial-in-charge atan dah nghal a ni a, Zawlnuam Bialtu Rev. K. Vanlalzikan Sacrament-ah a hmui rih ang. Tutthlang ABC-a awm tur a ni. Hei hi BCM Pastor Bial 85 na a ni. 18. Kohhran Upa Exam: Kumin 2017-ah Pastor Bial 55 atangin mi 132 chu Kohhran Upa exam bei tura ngaih an nih laiin vanduaithlak takin mi 2-in min boral san a, mi pathum dang an absent bawk a, mi 127-in exam tluang takin an zo thei a, kan lawm hle. September thla tir lamah result tihchhuah theih beisei a ni. 19. Evangelistic Team-te rawngbawlna: Kum dang zawng aiin Evangelistic Team te an chhuak tam thei a, tunah pawh hian team engemaw zat chuan sawmna an chhang seng lo a ni. Kohhran fahrah, hmun hla deuh, sum lama harsatna tawk te hnenah pawh Evangelistic Team te hi tirh an ni. 20. M.Th. Result 2017: Kan thawktu zir lehte hetiang hian M.Th. results kan nei a, kan lawm hle. 1) Rev. Israel Lalremtluanga, M.Th. (Rel) B+ 2) Rev. HS.Lalramnghaka, M.Th. (Miss) A- 21. Pastor pension-te: Assembly 2017- hnua pension-a chhuak te: 1) Rev. Dr. V. Laldingliana, May 1, 2017 2) Rev. J. Chalhlira, June 1, 2017 PROPERTY DEPARTMENT 22. Kumin chhungin kohhran 17 hnenah ram lei remtihsakna pek a ni tawh a, Pastor quarters sakna Bial 5-ah pek a ni tawh bawk. 23. Pastor quarters hmun 7 a mite hnenah tanpuina pek a ni. 24. Zokhawtharah RCC building, zo chhiara chhawng hnih `25,00,000/- a lei a ni. 25. Assembly-in a rel zingah motor 4 hralh tawh niin, motor 1 lei tawh a ni. 26. Sap Upa & Pu Buanga Hall atan chair leh table lei a ni. Heng bakah hian building Infrastructure leh Property lamah hmalakna hrang hrang neih mek zel a ni. BOARD OF THEOLOGICAL EDUCATION 27. Tun dinhmunah hian AICS-ah faculty member 21, Non teaching Staff 17 leh Zirlai 127 (M.Th: 7; BD zirlai: 93; M.Div.: 14; Diploma in Mission Studies: 5; Pro Pastor: 8) an awm. 28. Kumin Senate of Serampore result-a zirlai exam beitu 20 zingah B+ = 9 leh B = 11 kan nei a, M.Th. lak tharten Senate paper vek ziakin, zirlai 5 exam zingah pathumin B+ an hmu a, pahnihin B an hmu bawk. WORSHIP & MUSIC DEPARTMENT 29. Worship & Music training programme Khawzawl, Mamit leh Khawruhlian ah te neih a ni a, South Vanlaiphai Bial-ah Fakna Inkhawmpui hman a ni bawk. 30. May 19-21, 2017 chhung khan North East India Christian Council Youth Assembly (NEICCYA) 17th Biennial Conference, Diwon Presbyterian Church, RiBhoi, Meghalaya-a neihah Rev Lianchhûnga Khiangte, Organiser MTKP chu Speaker a ni. Aizawl Area Baptist Choir-te BCM aiawh a tirh an ni bawk. b 31. Tun dinhmunah thawktu 5 leh zirlai 24 an awm mek. 32. Diploma in Christian Studies leh Missionary Training bakah Kohhran Upa refresher leh Missionary refresher programme te pawh JBS-ah hian buatsaih tawh a ni. 33. August 5, 2017 leh August 7, 2017 hian Practical Ministry Bethel Centre, Chhumlian Kawn, Sazaikawn leh Rescue Centre, Kawmzawl, Lunglei te tlawh a ni. II. MISSION 34. BCM Assembly thu dah umzuina: BCM Assembly 2017 Thurelte (5.2)-umzuiin Baptist Boarding School, Kamalanagar (Chawngte) chu Higher Secondary School-a upgrade chi a nih leh nih loh Ni 5 July 2017 khan AGS i/c Mission leh Upa Sangthanzuala Ralte, Rahsiveng chuan uluk tak a zirchianna a hmunah an nei a. Dt.18 & 19 August 2017-a Mission Board meeting chuan ngun taka Evaluation report a enchain hnuin BBS Chawngte hi Higher Secondary-ah chuan upgrade rih loh nise tiin a rel a, Mission Committee ah pawh report tawh a ni. Nazareth Comprehensive School, Vathuampui erawh chu kalkawng that loh avangin la enfiah tura dah rih a ni. 35. Thawktu lak thar: BCM Assembly 2017 Thurelte (6.2)-in post ruak a hum hnawh khat turin Mission Board Meeting No.35, dt.18-19.July.2017 chuan Missionary hetiang hian a la thar: 36. BBC Assembly: BCM Assembly 2016 [Appendix-I (7)] in a sawi angin BBC chuan an Office luah ve turin Damparengpuiah Ni 30 March 2017 khan Serkawn an chhuahsan ve ta. March 23 – 26, 2017 a BBC Assembly, Damparengpui-ah AGS – Mission leh Mission Coordinator ten hmanpuiin Administrtative thu angin BBC in enkawl zel dan tur an sawipui a. BCM atangin Administrative Office/Finance Manager (AO) hi rawn depute ngei tul an tih thu dawn a ni. Hei hi Administrative Committee-in a la thlir lo. Tunah rih chuan Mission Coordinator hian a la chelh chhun zawm mek e. 37. Mission hma lakna thar: a) April Ni 23 2017 (Pathianni) khan Ramthar veng, Lungleiah Chakma pual inkhawm buatsaih a ni a. Sunday Dar 1:00-ah inkhawm an nei thin a, inkhawm a kalte hi a average-in mi 27-30 an ni. Pu H.C. Lalhmunliana, Evangelist-in a enkawl mek a ni. b) May thla 2017 khan Kolkata Field-a Howrah District, Bagnan khuaah Kristian awmsa mi 100 vel kan enkawl thar. 38. Chhiatna lam: Kuminah ruahtui a tam avangin leimin leh tuilian kan Mission Field-ah tuartu kan nei nual a. Tuichawng School hmun min te, Zawlpui Area lamah Belpei-a Mission Staff Quarters te, Chawngteah BBS compound te; Tripura leh Assam Dhubri lamah thliin Biakin eng emaw zat a tihchhiat bakah West Bengal Field-a ringtu Rajbongsi chhungkaw thum chu tuilianin an thlai leh buhte a tihchhiatsak a, tunah hian eizawnna dang nei lovin baihvai takin an awm mek a ni tih Field Director, Rev. B. Zirsangliana hnen atangin thu kan dawng. 39. School Results: BCM. MISSION SCHOOL HSLC RESULT, 2017

Sl.No	Name of Schools	No. of Candidate	No. of Pass	Distn	1St Div	2nd Div	3rd Div	Compart	Failed	Pass %
1	Baptist Boarding School. Chawngte	18	14	-	2	7	5	-	4	77.7
2	Baptist Comp. School, Damparengpui,	17	3	-		1	2	-	14	17.6
3	Baptist Comp. School, Putlungasih	14	13	-	2	6	5	-	1	92.8
4	Hermon Comp. School, Nghalimlui	43	26	-	-	3	23	-	17	60.4.5
5	Nazareth Comp. School, Vathuampui	9	7	-		5	2	1	1	77.7
6	Midland Education Centre, Ziro	13	13	10	3	-	-	-	-	100
7	Huto English School, Nirjuli, Arunachal Pradesh	-	-	-	-	-	-	-	-	0
8	Bethel English School, Dhubri	49	38	11	23	4	-	-	11	77.5
9	Jubilee English School, Patkijuli, Assam	10	8	-	3	5	-	2	-	80
10	Zoram Baptist Mission School. Birpara	33	33	10	18	5		-	-	100
11	St. James High School, Gongrai, Tripura	87	64	-	1	9	54	-	23	73.5
12	Elem English School, Dulukma, Tripura	13	12	-		5	7	-	1	92.3
13	Yakhily Academy, ADC. Complex, Tripura *	53	49	1	9	21	18	-	4	92.4
14	Mt. Olive School, Depitola, Assam *	17	16	-	8	8	-	-	1	94.1
15	Dipsing Academy , Mendavari *	6	6	1	4	1	-	-	-	100
	Total	382	302	33	73	80	116	3	77	79.06

Notes: 1. Zoram Baptist Mission School, Birpara-ah hian 95% hmu phak mi pahnih an awm. 2. CBSE result hi Subject hrang hrang ah Mark 100 zel atanga pek a ni a, chu chu Grade Point Average (GPA) a chhut leh thin a ni.GPA achhut hian 95% chin chunglam hi 10 point a ni a, chu chu Perfect Score tihna a ni. 100 ah 100 hmu tihna erawh a ni lo. Kumin 2017 hian zirlai 2,06,038 laiin perfect score hi an hmu a ni. chung zingah chuan ZBM School, Birpara a mite hi an tel ve a ni. 3. Star mark awmna khi BCM school ni lo, midang school kan missionary-te enkawl a ni. 40. Ringthar leh Kohhran thar Report:

S.No	Field hming	Ringthar	Kohhran thar
1	Chakma Mission	63	2
2	Non-Mizo Mission	86	Nil
3	Tripura Field	769	8
4	MP & MS Field	47	Nil
5	Arunachal East	195	1
6	Arunachal West	57	Nil
7	Arunachal Far-east	50	2
8	Assam Field	106	1
9	West Bengal Field	42	1
10	North India Mission	193	3
11	Jharkhan Field	90	3
12	Good News Mission Society	24	Nil
13	Andaman	11	Nil
14	Bhutan Field	5	1
15	Cambodia	7	Nil
17	Miria (Bangaladesh)	4	1
	Total:	1749	23

III. SERVICE 41. BAPTIST LITERATURE AND PRINTING (BLP): BAPTIST Literature and Printing Department-ah hian rawngbawlna peng pawimawh tak tak Literature Service, Baptist Printing Press leh Publication Board an awm a. 1) Baptist Literature Service : Thawktu 21 an awm mek. BLS rawngbawlna hian hma a sawn chho ve hret hret zel a, tunah hian Bookshop 10 a nei. Privatisation policy siam thar a ni a, hei hian hmasawnna a thlen chhoh ngei beisei a ni. 2) Baptist Printing Press : Thawktu 25 an awm mek. BPP rawngbawlna hi tluang taka kalpui zel a niin hma pawh sawn chhoh ve zel a ni. Lehkhabu pasarih chhut tawh a ni a, Sunday School zirlaibu 2018 la chhut leh tum a ni. Printing Press khawl lian dahna hi Vibration a nasat tawh em avangin building lamin a chhiat phah mai ang tih a hlauhawm deuh a, sawn dan tur ngaihtuah mek a ni. 3) Publication Board: Publication Board enkawl tur hian Literature Reader a awm a. Tunah hian lehkhabu sawmhnih pali (Sunday School zirlaibu tiam lovin) chhuah tawh a ni a. Lehkhabu pahnih chhuah leh tura hmalak mek a ni. 42. Christian Education Department: Thawktu pahnih Director leh Sunday School Instructress-ten Pastor Bial hrang hrangah Sunday School training vawi kua leh Intermediate Meet vawi thum an neihpui tawh. Hei hian Sunday School lamah hmasawnna a thlen ngei beisei a ni. 43. Communication Department: Thawktu 7 an awm mek. He department hnuaiah hian Audio Visual leh Editorial Board a awm a. Communications rawngbawlna hi pawimawh tak leh BCM hmel lansarhna ber pakhat a nih avangin mite sawisel leh sawichhiatna thawktuten an phur fova, tawngtaipui pawh an ngai hle a ni. Kohhranhote beisei ang leh duh ang chuan hma sawn chak lo mahse, a enkawltuten theihtawp chhuahin an thawk a. Pathian zarah hma a sawn chho ve hret hret a, a lawmawm hle. 44. Education Department: Education Department hian hengte hi a huam: 1) Higher And Technical Institute Mizoram (HATIM) 2) Baptist Higher Secondary School, Serkawn(BHHS) 3) Baptist English School, Zawlnuam 4) Primary School Lungpuk. Heng bakah hian Bial leh Tualchhung Kohhranin English Medium School a dinte hnenah English Medium School Grant atangin tanpuina engemaw zat a pe chhuakin zirtirtu training a neihpui thin. Education Department hnuai- ah hian thawktu 200 vel an awm. Pathian hruaina leh tanpuina in result tha tak tak neih thin a ni a, a lawmawm hle a ni. Assembly in School in enkawl dan leh inrelbawl dan a fel zawk theih nan Education Policy siam tur a tih chu tunah hian peih tawh a ni. 45. Medical & Health Department: He Department ah hian thawktu CHS – 145, CHL – 30, Total - 175 an awm. Doctor lam pawh kan mamawh ang zelin Lalpan min pe thin a, a lawmawm hle. Infratructure leh equiptments lamah pawh hma kan sawn chho ve zel e. Assembly in a lo passed tawh angin Christian Hospital, Lawngtlai chu ruahmanna siam angin kal tan a ni. Tin, 2017 Assembly-in Lithotripsy Machine lei tur a tih pawh hma lak chhoh mek a ni. 46. Relief & Development Department: Relief and Development Department ah hian thawktu 25 vel an awm mek a. Kuminah hian khuarel chhiatna Mizoram hmun hrang hrangah a thleng nasa hle a. Chhiatna tuartu te hnenah hian tanpuina theih ang tawkin pek a ni. Foreign atanga tanpuina kan hmuh thin kha Centre Sorkar lam atanga harsatna kan neih avangin tih tawpin a awm ta nual a, chu chuan harsatna nasa tak min neih tir a ni. 47. Social Concern Department: Social Concern Department hnuaiah hian rawngbawlna thuang thum a awm a, chungte chu:- 1) Public Guidance, Prevention and Care : He rawngbawlna-ah hian mawhphurhna latu ber chu Organiser a ni a. Pastor Bial hrang hrangah leh Tualchhung Kohhranahte, Fellowship Organisation leh School-ah te, zuk leh hmuam that lohzia zirtirna te neihpui thin a ni a, chutiangin HIV/Aids chungchang leh Premerital sex etc. chungchang in zirtirna neih a ni. 2) Christian Counselling Centre : He rawngbawlna hi Counsellor pakhatin a enkawl a, tunah chuan mitten an hmelhriat tan a pantu pawh an tam tan ta hle a. Lunglei khawpui chhung Kohhran hrang hrang leh khawpui pawn lamah a remchan dan anga Mental Health awareness campaign neih thin a ni. 3) Baptist Church Orphanage: Baptist Church Orphanage-ah hian thawktu pakua kan nei a, tunah hian naupang sawm pasarih kan enkawl mek an ni. Tunah hian BCO hi Specialized Adoption Agency (SAA) a ni tawh. Sawrkar nen thawhhona tha tak kan nei mek a, kawng hrang hrangin hmasawnna kan nei chho mek a, a lawmawm hle. Ka lawm e. ***********