Mizoram Baptist Kohhran Rorelna Sang ber BCM Assembly vawi 121-na, March 8-12, 2017 a neih tur atan a dawltu, Chanmari Kohhran, Lunglei leh Headquarters lam pawh an inpeih thawkhat ta. Kumin Assembly thupui tur chu “Rinawmna” tih a ni ang a, thupui then hrang hrang hmangin thuchah ngaihthlak thin a ni ang.
March 8, 2017 Nilai zan (Assembly tan zan)ah Assembly hawnna Inkhawm neih a ni ang a. Rev. Lalthangliana Hnamte, President-in Inkhawm kaihruaiin Assemnly 2017 a hawng nghal ang a, Rev. F. Ramdinmawia, General Secretary-in kum 2016-2017 chhunga BCM hmalakna tlangpui(Report) a pe ang a, March 9-11 (ni thum chhung) nitin Assembly Rorelna neiin zan lamah Vantlang inkhawm neih thin a ni ang. March 12, 2017 Pathianni chawhma Inkhawm chu Ordination Service atan hman a ni ang a, hetah hian Probationary Pastor 5, Minister atan nemngheh an ni ang a. Rev. H.Lianngaia, BCM President thar-in a nemnghet ang.
Thuchah sawitu leh thupui:
| A hun | Thusawitu | Thupui |
| 08.03.2017 : Nilai zan Assembly hawnna | Thuchah: Rev.Dr. C. Vanlaldika Assembly hawn: PresidentReports; General Se | “Pathian leh a thua Rinawm” |
| 09.03.2017 : Ningani zan | Rev. R. Thanmawia | “Ni tin nuna rinawm” |
| 10.03.2017:Zirtawp zan | Rev. Sangliankhuma Chinzah | “Mihringpuite laka rinawm” |
| 11.03.2017: Inrinni zan | Rev. R.Zohmingliana | “Kohhran leh rawngbawlnaa rinawm” |
| 12.03.2017:Pathianni Chawhma | Ordination Service (Rev.H.Lianngaia, President) | |
| 12.03.2017:Pathianni Chawhhnu | Lalpa zanriah (Sacrament) (Rev. Zd Rodinagliana) | |
| 12.03.2017:Pathianni zan | Rev. Lalthangliana Hnamte | Rinawmna - Malsawmna hnar |
(Download : Assembly 2017 Prog.)
[caption id="attachment_10106" align="aligncenter" width="159"] President leh GS hovin Assembly dawltute inkawmhona nei[/caption] |
[caption id="attachment_10105" align="aligncenter" width="150"] Assembly 2017 Pandal[/caption] |
[caption id="attachment_10104" align="aligncenter" width="150"] Biak In kawt Pandal[/caption] |
[caption id="attachment_10212" align="aligncenter" width="172"] Aerial View of BCM Chanmari, Lunglei[/caption] |
Kumin Assembly Rorel Agenda hi Department hrang hrang atanga Executive Committee-a thlen chhoh tawh Report leh pawmpui tura thlen te, ABC hrang atanga Agenda rawn lut bakah Administrative Working Committee atanga thu lo lut te a ni dawn a ni.
Kumin Assembly-ah hian Kohhran Pawl dang atanga palai (Fraternal Delegates) 11 lai beisei an ni a, Tan zan, Ninga zan, Zirtawp leh Inrinni zanah te chibibukna(Greetings) an sawi ang a, rorelnaah pawh an tel ve dawn a ni. Chungte chu:-
1) Congregational Church of India (Maraland)CCI(M) 2) Presbyterian Church of India (Mizoram Synod) 3) Tripura Baptist Christian Union(TBCU) 4) Gobal Chin Christian Fellowship (GCCF), Canada 5) Evangelical Church of Maraland(ECM) 6) Zomi Baptist Church(ZBC) 7) Global Interaction (GIA), Australia 8) Isua Krista Kohhran (IKK) 9) Lairam Isua Krista Baptist Kohhran (LIKBK) 10) Kalay Valley Baptist Association. 11) Baptist Union of Great Britain (BUGB) Download : Assembly 2017 Programme
