Mizoram Baptist Kohhran Rorelna Sang ber BCM Assembly vawi 120-na chu karleh March 9, 2016 (Nilaini) zan atang hian tan a ni dawn ta a, hemi atana inbuatsaihn pawh a dawltu tur Hnahthial Bazar leh BCM Headquarters lam te inpuahchahna pawh peih fel a ni ta. Assembly hi March 9, 2016 ah tanin March 13, 2016 Pathianni zanah a tiak ang. Kumin Assembly thupui tur chu “Ringtu Nun” tih a ni ang.

March 9, 2016 Nilai zan (Assembly tan zan)ah Assembly hawnna Inkhawm neih a ni ang a. Rev. C. Ngurhnema, President-in Inkhawm kaihruaiin Assemnly 2016 a hawng nghal ang a, Rev. H.Lianngaia, General Secretary-in kum 2015-2016 chhunga BCM hmalakna tlangpui(Report) a pe ang a, Rev. H. Vanlalruata'n 'Ringtu Nun - Nun inthlakthleng' tih thupui hmangin thuchah a sawi ang a, Zaipawl pali - Zawlnuam Pastor Bial Zaipawl, Serte Pastor Bial Zaipawl, 3) Zotlang Pastor Bial Zaipawl(Lli) leh Zobawk North Pastor Bial zaipawl te an zai ang.

March 10-12 (ni thum chhung) nitin Assembly Rorelna neiin zan lamah Vantlang inkhawm neih thin a ni ang. March 13, 2014 Pathianni chawhma Inkhawm chu Ordination Service atan hman a ni ang a, hetah hian Probationary Pastor 7, Minister atan nemngheh an ni ang a. Rev. Lalthangliana Hnamte, President, BCM-in a nemnghet ang.(See: Nem ngheh turte)

Kumin Assembly Rorel Agenda hi Department hrang hrang atanga Executive Committee-a thlen chhoh tawh Report leh pawmpui tura thlen te, ABC hrang hahrang atanga Agenda rawn lut leh Administraticve Wirking Committee atanga thu lo lut te a ni dawn a ni.

..............................

ASSEMBLY PALAITE LEH ZAIPAWLTE HRIATTUR

Hnahthial khawpuiin Assembly palai tur te leh Zaipawl zai tura ruat zawng zawngte nghakhlel takin kan lo thlir reng tawh che u a. Assembly neih lai hun angah hi chuan Hnahthial khua hi a lum deuh tawh avangin mutbu (bedding) kan keng duh a nih pawhin in ken tam vak a ngai lo vang. Assembly Palaite hriattur:

1. Assembly hi Hnahthial North leh South bial pahnih infinin kan dawl dawn a; palaite pawh veng tinah thlentir an ni ang.

2. Palaite thlenna tur hi Bial emaw, Kohhran emaw angin siam a ni dawn lo va, a thleng hmasa apiangte Assembly-na hmun tur hnaiah thlentir/dah zel an ni ang. BCM Puipate, Minister te, Office staff te leh sawm bikte erawh chu an thlenna tur ruahman sa a ni.

3. Reception Main Counter hi Market Building, Bazar kawnah siam a ni ang.

4. Assembly palai kal turte tan a hnauia Contact no.ah hian hriat duh emaw, biak duhna emaw kan neih chuan biak theih reng a ni ang. Upa F. Lallawmzuala, Chairman, Reception Committee- 8974133122 Rbt. F. Lallawmzuala, Secretary, Reception Committee- 9612217812 Zaipawlte Hriattur:

A hnuaia tarlan ang hian Zaipawlte thlenna tur ruahman a ni a, Thlenkim Nia rawn thlengte chu Main Counter-ah in report vek tur a ni a. Thenkim Ni hnu lama thlengte chu mahni thlenna tur veng/Kohhran pan mai tur a ni; a tul angin inbiak pawh theih a ni ang. Zaipawlte Hriattur: