Mizoram baptist Kohhran Rorelna Sang ber BCM Assembly chu karleh, March 6 – 10, 2013 hian Lunglawn-ah neih a ni dawn ta a. Hemi atan hian a dawltu Lunglawn Kohhran leh Headquarters lam te pawh an inpeih thawkhat ta. Sawi tawh ang khan Kumin Assembly thupui tur chu “I puan in hmun chu zauh rawh” (Isaia 54:2) hman a ni ang.
A dawltu Kohhran chuan mikhual hmuah dan turte, thlen dan turte, lirthei dah dan turte, inkhawm leh rorel laia tih dan tur te bakah BCM Office tur te an ruahman fel tawh a ni. Assembly palaite chu an Kohhran huam chhunga thleng vek turin an duh.
Tunah hian Lunglawn VC huam chhungah in 503 a awm a. Chhungkua 670 an khawsa. Mihring 3300 an awm a. Baptist Kohhran 2 a awm a, pathumna tur sak mek a ni. UPC (North East leh Mizoram) kohhran pakhat ve ve an awm a. Presbyterian Kohhran 1, Seventh Day Kohhran1 leh Evangelical Church of Maraland-te an ni.
BCM Lunglawn bikah hian Chhungkua 365 awmin member 1800 an awm mek a. Minister 3, Kohhran Upa 32 leh Rawngbawltu 6 in an uap. Biak In thar sak mek niin kum tawp lamah indan tum an tum a, chu mi anih avanga kumin Assembly hi thleng an nihna chin a awm mai thei. Tun hma Presbytery a nih laiin vawi 4 (1944,1948,1953 leh 1958) an dawl tawh a. Assembly anih hnuah vawi 6 (1961,1964,1978,1982,1933 leh 2005) an lo dawl tawh a. Tun hi BCM Assembly vawi 7 an dawlna tur a ni.
