Mizoram Baptist Kohhran Rorelna sang ber – BCM Assembly vawi 120-na, March 9-13, 2016 chhunga BCM Biak In, Hnahthial Bazar-a neih chu tluang takin March 13 zan khan a tiak ta. Kum 2016-2017 BCM budget atan Rs. nuai 7007.8 passed a ni a, heta tang hian kohhran tum(Church Contribution) chu Nuai 4,507.1(64.13%) a ni a, a bak zawng nuai 2500.6(35.87%) chu Assembly hnuaia Department hrang hrang leh source dang atanga hmuh beisei a ni.Kum hmasa aia a tamna chu Rs. nuai 516.4 (12.94%) a ni. Kum 2017 Assembly chu Lunglei Chanmari Kohhranah nghah a ni ang. Kumin Assembly-ah hian Kohhran Pawl dang atangin palai/observers 12 an rawn tel a chungte chu- LIKBK, ECM, TBCU leh ZBC atang te-in Delegates an rawn tir a ni.
Thu passed tlangpui lo tarlang ila, Minute bu, Budget, Reports leh Sermon & Bible Studies chu an links ah hian dah a ni a, a duh tan download theih a ni e:
- Palai 951, President Elect-ah Rev.H.Lianngaia thlan a ni. Nakkum 2017 Assembly-na turchu BCM Chanmari Lunglei a ni ang.
- 2016-2017 Budget Rs. 700,781,280/- a ni a. Kohhran tum(Targeta sem tur) Rs 450,712,200/- (64.13%) a nia, a bak zawng nuai 250,069,080/-(35.87%) chu Assembly hnuaia Department hrang hrang leh source dang atanga hmuh beisei a ni
- ABC pakhat Lunglei 'S' ABC atangin siamthar tur a ni a, Pastor bial 3 - Hmawngbu bial, Ramhlun bial,(Azl), Bazar bial Hnahthail te siam thar tura remtih a ni.
- ZPMBK bial chu Shillong bial tia thlak tur a ni tawh ang.
- Pastor post 8 leh dept. hrang hrang atangin posts 17 hawn phalsak an ni.
- Zuk leh hmuam sim a nih theih nan BCM-in nasa leh zuala beih tura hmalak tur a tih a ni.
- Christian Hospital Serkawna mi tur Dialysis khawl lei nan Pathianni zing inkhawm vawi 1 thawhlawm pek ni se tih a ni.
- Mizoramah Chanchin Tha thlen kum 125-na( Quasqui Centiniel) lawm ni se tih a ni.
- Pathianni serh chungchanga kohhrante uar zawka inzirtir ni se, akaihruaina bu pawh siam ni se.
- BCM ordained Minister te Sawrkar hna emaw hna dang vawnsante ordinatin chunga changah BCM-in kal dan phung mumal siam ni rawh se.
- BCM hnuaia hnathawkte tan inkaihhruaina (Conduct Rules ) siam rem tih a ni.
- Aizawl khawchhunga hnamdangte zinga rawngbawlna BCM-in hmalak tan ni se tih a ni.
- BCO hi falak phalna petu ( Specialise Adoption Agency)-ah awm ve remtih a ni. BCM leh heng te- TBCU, Yakhily Acedemy, SNBA,leh Adi Baptist Union-te chuan thawhhona(working agreement) siam thar a ni.
- HATIM-ah Departments 2 Bachelor of Mass Communication leh Bachelor of Business Administrations te hawn belh rem tih a ni.
- Kohhran fahrah leh harsa zualte tichangtlunga chhawmdawlna uar leh zual ni se.
- Sunday School Senior B zirlai hi Topical Bible Studies anga siam tawh ni se.
