Mizoram Baptist Kohhran Assembly Rorel Ni 3-na neih mek a ni a. Tun thlenga Rorel Thupassed kan hriattheih te chu hengte hi an ni.

• India ram chhungah BCM rawngbawlna zau zawk leh mumal lehzuala kal a nih theih nan zirchian (Survey) ni rawh se tih leh South East Asia lamah, BCM rawngbawlna chak leh mumal zawka kalpui a nih theih nan zir chian (Survey) hmasak ni rawh se tih rawtna chu BCM in hma kan lak dan leh kalpui mek ani tiin hrilhfiah a ni.

• HATIM pualin BCM pumpui Tualchhung Kohhran tinin mahni remchan hunah vawi khat fehchhuah neih a, Bial Treasurer kaltlangin, Designated Fund atan Headquarters ah thehluh nise.

• BCM leh Presbyterian Kohhrante Inkhawmpuiah inpalai tawn leh turin hma lak nise tih rawtna chu - BCM leh Presbyterian kohhran inlaichinna tha leh inkhawmpui (Assembly leh Synod) a palai intirh tawn hi tun thlenga BCM dinhmun leh duh dan a la ni reng a. A tul angin hotuten lo umzui se tih a ni.

• Pastor Quarter Building Grant tuna ` 700,000/- hman mek hi ` 1,000,000/- ah tihpun nise, a hman tan hun atan 2015-2016 nise .

• BCM Assembly-in Kohhran hmasawnna atan Kum 2001 – 2013 chhunga Resolution a lo siam tawh zawng zawngte tihhlawhtlin a nih ngei theih nan Headquarters-in hma la se. A tul a nih chuan Committee hranpate siamin Budget-ah pawh dah nise tih rawtna chu tuna tihhlawhtlin loh anga lang te hi thenkhat hmalak mek leh bawhzui laite a awm bawk a, thenkhat chu tihhlawhtlin theih lohte pawh a awm thu-in inhrilhfiah a ni a. A tul dan angin Concern Department ten lo thlir zui zel se tih a ni.

• Missionary Day, January 11 hi Kohhranten urhsun lehzuala kan hman a, vawn nun a nih zel theih nan Headquarters in hma la rawh se.

• Kolkata-ah hian Baptist House, BCM hian neih ve dan ngaihtuah ni rawh se – tih thu chu Kolkata Baptist House tur hi hmalak mek a nih thu leh 2014-2015 budget-ah pawh ` 1,000,000/-  dah a niin, tihhlawhtlin tuma hmalak mek a ni tiin hrilhfiah a ni.

• Mizoram Sorkar-in kumtin ni khat State pum huap tawngtai ni (State Day of Prayer) –a  puang tura ngenna/thlen ni se.

• Kum 2014 ah rampum huapin, kan ram tan  chaw nghei tawngtai nilenga neih ni se la,  Administrative Commitee in lo bawhzui rawh se.

•  BCM Nursing School hi batch tinah Student 20 atangin 30-a tihlen dan tur Concern Department-in kawng lo zawngin, hma lo la rawh se.

• Christian Hospital Ni Pathianni zing inkhawm thawhlawm hi BCM Medical & Health Department ah Hospital Poor Fund atan lut thin rawh se, Tualchhung Kohhran tinin Bial Treasurer kaltlangin Designated Fund atan Headquarters ah thehluh nise, 2015 atangin tihhlawhtlin ni s.

• BCM Inneih Register bu hi siam that ni se, Administrative  Commmitte-in lo bawhzui rawh se.

• BCM hian zuk leh hmuam do kawngah tun aia nasa zawkin hma la se a tul dan angin Social Concern Department-in hma lo la se tih a ni.

• Assembly-na hun leh hmun hetiang hian ruat a ni:     A hun : March 9 - 13, 2016  A hmun : BCM Biak In, Bazar Hnahthial.

• Assembly Committee hrang hrang member turte Nomination Committee-in ruahmanna a siam chu pawm a ni. Hetiangin (Click rawh)

• BCM Constitution & Rules Part II, Bung 4-na: 10(4) : Puipa thlan dan : (phek 57) leh BCM Rules Part II, Bung 4-na:12(4) : Puipa thlan dan : (phek 62) tih danglam (Ammend) remtih a ni.

• Pastor Bial hming thlak : Saiha Bial tih thin chu Saiha East Bial tih leh Upper Republic Bial chu Republic Bial ti a thlak ani.

• Pastor Bial thar siamthu: Pastoral Committee-in Pastor Bial then dan tur ruahmanna siam chu pawm a ni a, hemi chungchanga thil tul tih ngai apiang chu Pastoral Committee-in lo bawhzui se tih a ni.

Bial then dan tur: 1)    Buarpui North leh South. Ramhlun leh Buarpuiah Pastor Quarters a awm ang a, Buarpui ABC-ah an awm ang. 2)    Zobawk North leh South. Trinity leh Ebenezer-ah Pastor Quarters a awm ang a, Lunglei South ABC-ah an awm ang

BUARPUI NORTH BIAL					BUARPUI SOUTH BIAL
S.No	Kohhran	Member	Family		S.No	Kohhran	Member	Family
1	*Ramhlun	415	68		1	* Buarpui	746	133
2	New Khawlek	165	32		2	Immanuel	143	23
3	S Khawlek	146	28		3	Bungtlang W	258	50
4	Dengsur	458	82		4	Kawlhawk	152	34
	Total	1184	210			Total	1299	240

 

ZOBAWK NORTH BIAL					ZOBAWK SOUTH BIAL
S.No	Kohhran	Member	Family		S.No	Kohhran	Member	Family
1	*Trinity	541	127		1	*Ebenezer	942	187
2	Bazar	615	142		2	Horeb	243	48
3	Bethel (Dawn)	77	21		3	Venglai	207	44
4	Ralvawng	227	55		4	Hlumte	204	35
5	Zoar (Old Rvng)	29	8		5	Sairep	206	37
	Total	1489	358			Total	1802	351