BCM Assembly Rorel nikhatna chu nimin March 6, 2014 zing dar 9:30 -ah tanin tlai dar 4:30 khan an tin  a, Rorel tan hma-in BCM President kal chhuak tur, Rev. F.Sangvela’n Devotion hun a hmang a, KHB No 361 ‘Kan Kohhranho lungphum chu” sa-in Pathian Thu Ephesi 5:23-25, 29 leh 31 a chhiar a, Krista leh Kohhrante inpumkhat zia sawiin, Kohhran hian Pathian a hmangaih tur a ni; Kan vengte kan hmangaih tur a ni; Kohhran hi Isua hnungzuitute siamna a ni tur a ni; Isua programme hi hlenchhuah a nih theih nan Kohhrante chak taka ke pen zel turin a fuih a.  Pathian hmaah a tawngtai a.  Rev. F. Sangvela chuan President Elect Rev. H.Sangchema hnenah inpawlna kut dinglam pein BCM President nihna a hlan a, Rev. H.Sangchema chu Chairman thutnah hruaiin a hmun a kian a. BCM President thar, Rev. H. Sangchema chuan rorel Inkhawm kaihruai nghal a, Assembly rorelna tan a ni.

Hun hmasa lamah Rorel Palaite hminglamna neih a ni a, Palai hming lam lai hian member 902 an ni a. Vawiin tlai thlenga, Palai in report hi 938 an ni tling tawh a ni. Rorel tan hma hian Kaltate sunna leh an rawngbawlna avanga lawmthusawina leh an chhungte tana tawngtaisakna hun hman a ni a, hriattheih chinah 2013 Assembly leh kumin Assembly inkara Kohhran Upa Chatuanram pan mi 50 an awm a ni. Devotion leh hun serh hman zawh hian Rev. H. Liangaia-General Secretary,  Rev. Lalbiaksanga – AGS - Service leh Rev. Dr.K.Lalrinthanga – AGS i/c Mission ten  kum 2013-2014 chhunga an enkawl Department hrang hrang Report an pe  bawk.

 Nomination Committee in Minute Secretary atana a lo ruatte General Secretary-in a chhiar chhuak a, rorel palaiten kan pawmpui. Minute Secretary atana ruatte chu - 1)      Rev.  R.Lalremruata,  2)      Rev. ZD Lalrozuala, 3)      Upa K.Lianhmingthanga.     THU REL LANGSAR ZUAL TE: 1. President Elect thlanna:- BCM Constitution and Rules in a sawi angin Nomination Committee-in mi panga(5) a nominate a, Nominee panga atangin Secret Ballot-in BCM President Elect  atan Rev. C.Ngurhnema thlan a ni.   2. Nomination Committee Member (2014-2015) :  Assembly Executive Committee 2014 chuan 2014 - 2015 Nomination Committee member atan mi 10 a thlan chu pawmpui a ni, chungte chu – 1)      Upa S.Hmingthanga, Serkawn 2)      Upa C.Sangliana, Chanmari, Lunglei 3)      Upa C.Thankila, Lawngtlai 4)      Upa Dr. R.T.Hnialum, Lawngtlai 5)      Upa R.Lawmzuala, Sethlun 6)      Rev. R.Zohmingliana, Serkawn 7)      Rev. J.C.Vanlalluaia, Electric Veng, Lunglei 8)      Rev. Dr. Raltawnga, Venglai 9)      Rev. V.Vanlalchhunga, Serkawn 10)   Rev. C.Chhuntluanga, Theiriat   3. Vehicle hlui tihral a, a thar lei thu : Bus 1, Light vehicles 5, leh Two Wheeler thar 6 lei remtih a ni a, Motor hlui - Bolero-2 tihral tura thlen chu remtih a ni bawk.   4. AICS-a M.Th Programme siam thu :  AICS-a M.Th programme siam tura rawtna leh ruahmanna chu pawmin M.Th Programme hi AICS-ah dah remtih a ni a. Theological Education Board-in lo umzuiin, a hma thei ang bera hawng turin hma lo la se tih a ni.     5. Pro Pastor nilo Minister-a Ordination pek thu (Report) : Pu V.L. Buatsaiha, M.A (B.D) hi Nairobi, Kenya a missionary thawklai a ni a, amah hi rorel palaite hnenah inhmelhriattirin Minister atan nemngheh tur a ni tih report a ni.   6. Pro Pastor, Minister atana nemngheh  thu (Report): Heng mite hi rorel palaite hnenah inhmelhriat tirin, Pastor atan nemngheh tur an ni tih report a ni. 1)      C. Malsawmzuala 2)      K. Lalsanglura 3)      K. Vanlalzika 4)      David Lalmalsawma Sailo 5)      T. Hmangaihvulluaia   7. Pastor Hna dilte interview leh lak thu (Report) : Heng mite hi rorel palaite hnenah inhmelhriat tirin, Pastor atan lak an ni a, February 1, 2014 atangin an zawm tih report dawn a ni.   1)      R. Vanlalfala       -                  Khumtung 2)      Lalhruaia Chenkual  -          Salem, Lawngtlai 3)      Vanlalnghaka Jongte  -       Sethlun 4)      Lalrammuana Poonte  -     Ramzotlang 5)      K. Lalhmangaihzuala  -        Mission Vengthlang   8. Thawktu Pension leh Pension tur (Report): Heng thawktu te hi  an pension thu leh an pension tur report dawn a ni. 1)     Upa Dr. K. Vanlallawma, Doctor Specialist  (Substantive) - Pension hun 1.5.2013 (Voluntary) 2)     Upa A. Dengzika, Branch Manager BLS (Substantive) - Pension hun 1.8.2014 (Superannuation)   9. Thawktu Confirm turte: BCM hnuaia tawktu mi 8 Confirm tura rdilna chu remtih an ni.   10. Serh leh sang khawih theihna pek te (Report):  1)      Pu T. Lallawmawma, Evangelist Assam Field 2)      Pu Vanlalchhuanawma Sailo, Evangelist Tripura Field   11. Interserve nena Partnership siam chhunzawm ni se. (Report)   12. Mizo tawnga Pathian Thu zirna (JBS) hawn chungchang leh Jubilee Bible School chu Residential ngeiin bul tan nise, Assembly 2015 hma ngeiin Jubilee Bible School hi hawn nise tih a ni.   13. Aizawl Chanmari-a BCM Building hming vuah thu : Aizawl Chanmari a BCM Building hming-ah Baptist Centre tih rawtna chu pawm a ni.