BCM Assembly 2021 neihna hmun : Ramthar Biak In, Lunglei[/caption]
Mizoram Baptist KohhranRorelna Sang ber, BCM Assembly 125-na chu vawiin March 11, 2021 zing dar 9:30 atang khan BCM Biak In, Ramtharveng, Lunglei-ah neih a ni. President Elect atan Rev. Dr. Zolawma thlan a ni.Assembly hawnna hi zing dar 9:30 khan President nilai Rev, Dr K. Lalrinthanga’n nei in President kalchhuak tur a nih ang in thuchah tawi sawi a Pathian hnena inkawltirna a neih hnu in President-Elect Rev. Dr. V. Laldingliana hnenah President nihna hlanin Rorelna dawhkan a kian a, President thar hian rorel a kaihruai nghal a ni.
[caption id="attachment_18405" align="alignright" width="140"]
Rev.Dr.R.Zolawma, President Elect[/caption]
Rorel tan hma in kal ta te Pastor Pensioner pakhat leh kohhran upa 74 te sunna hun neih a ni a, President-elect thlanna neih zui nghal niin, Rev.Dr. R. Zolawma, Professor AICS chu thlan a ni. Kumin Rorel ah hian Area Baptist Council leh Assembly Committee hrang hrang atang in agenda 30 chuang bak ah BCM Planning Commission 2020 in ruahmanna a chhawp chhuah te ngaihtuah a ni dawn a ni.
Kum dang anga Assembly hi neih a rem loh avangin Palai tur zat insawr zim a nih hnu ah palai kal hi chanchin kan lakkhawm lai hian mi 466 an ni. Assembly Rorel hi Inrinni (March ni 13) thleng neih a ni ang a, Pathianni chawhma-ah Pastor Nemnghehna inkhawm (Ordination Service) neih a ni ang a, chawhnu lamah Lalpa Zanriah Sacrament Inkhawm neih a ni ang a, Assembly hi a tiak ang.
Assembly report-in a tarlan langsar zingah – kum kal mek 2020-2021, April – February (Thla 11)chhunga BCM Target hmuh tawh zawng zawng chu Rs. 15,42,530 a ni a. Thla 12 chhunga hmuh tura beisei zat chu Rs. 69,35,70,000 niin tun dinhmunah Rs. 4,20,27,470 an la tlin lo a, pek tawh zat percent chu za zel 93.94% a ni.
BCM Inchhiarna thar ber, Statistical Handbook 2020-2021 tih chhuah a ni a, heta tarlan danin Tun dinhmunah Tualchhung Kohhran 666 awmin Kohhran chhungkua 36,904 an awm mek a, Kohhran member 17,2219 an awm mek bawk. Kum hmasa aia member punna hi 4361 a ni.
[caption id="attachment_18400" align="aligncenter" width="474"]
BCM Assembly 2021 : Rorel Inkhawm[/caption]
