February 28,2022 (Thawhtanni) khan Area Development Working Committee Lawngtlai chuan BCM 5th Planning Commission ruahmanna bawhzuiin Lawngtlai Area a Pastor bial TKP pasarih atangin TKP member 27 leh anmahni hruaitu Upa K. Zozamliana hovin BCM headquarters-a hmun pawimawhte tlawhin hun hlimawm tak an hmang.

Rev. R. Lalnunzira, ES Lawngtlai Area chuan “BCM 5th Planning Commission-in a ruahman angin Lawngtlai Area chhunga Fellowship Department hrang hrang-te’n BCM headquarters-a hmun pawimawhte tlawhtir tuma hma lak mek a ni a. Tunah hian a vawi khatna atan Bial TKP pasarih atangin Bial khat atangin TKP member Pali-te tirh hmasak an ni a. Heng team-te’n an thil hmuhte leh headquarters visit programme-a an thil hmuhte report an pe leh ang a, chung atang chuan chhunzawm zel atan a tha dawn em tih thlir ho leh ani ang,” a ti

Tun tumah hian BCM headquarters Office, Higher and Technical Mizoram (HATIM), Chhawmdawlna In Melte, Baptist Church Orphanage (BCO) leh Jubilee Bible School (JBS)-te tlawh a ni a. Chhawmdawlna In leh BCO ah hian Area Working Committee chuan Rs. 3,000 ve ve-in tanpuina a pe a, tin, tour programme-a kal member-te hian Rs. 5500 thawh khawmin BCO-ah tanpuina hi an hlan bawk a ni.