Asia Pacific Baptist Youth Fellowship (APBYF) inkhawmpui Thailand khawpui Bangkok-a October 21-25, 2015 chhunga neih chu tluang takin an zo ta a. Mizoram atanga kal BCM Choir leh MTKP aiawh te pawh nimin, October 28 khan dam takin Mizoram an lo thleng leh ta.

Sawi tawh ang khan Asia khawmualpui huap, Baptist Thalai Inkhawmpui lian-ah hian BCM Choir member 22 leh an hruaitu FOD Director, Rev.KV. Thanga leh Rev. Lalzarliana te bakah MTKP hruaitu leh mimal Inkhawmpui chhima kalte nen an vaiin 51 van kal a. He Inkhawmpui Bangkok Christian College, Bangkok a neihah hian Asia khawmualpui ram hrang hrang atangin Thalai Sang tam tak  an kal khawm a ni. He Inkhawmpui thupui chu Exalt His Name tih niin Inkhawmpui hming atan thupui then hrang pali- khaikhawm na X4 tih chu hman a ni bawk.