May 13-15, 2016 chhung hian TKP Coordination Committee buatsaihin Aizawl Silver Jubilee lawmna leh Aizawl TKP Meet 2016 chu “Chawlhna Isua” (mathaia 11:28) tih thupui-a hmangin Electricveng Biak In, Aizawl-ah an hmang dawn a. He Silver Jubilee lawmna leh Aizawl TKP Meet Programme-ah hian Speaker pathum Rev.Dr. K. Lalrinthanga, Executive Secretary, Aizawl, Rev. Lalthangliana Hnamte, President, BCM leh Rev.Lianchhunga Kiangte, Organiser MTKP te an hmang dawn a ni.
Zirtawp zan dar 7:30 –ah Jubilee mei det programme, Zonuam Biak In chungzawlah an nei ang a, Jubilee dar an vaw bawk ang. Inrinni nilengin Blood Donation Camp, Electricveng Biak In Hall-ah an nei ang a, Inrinni zanah Inkhawm programme variety takin an buatsaih dawn a ni. He Inkhawm-ah hian - Flag parade, Cultural Worship Dance-Chaltlang Unit-in an entir ang. Mimal zaithiam - Gospel Lalhmingtani, K.C. Vanlalzami leh Lalmuanpuia te an zai bakah Zaipawl 5 -Armed South Unit, Bawngkawn Unit, Zonuam Unit, City Unit leh Huntharveng Unit ten Pathian fakna hla an sa ang a Rev. L. Vanlalsanga, Chairman, AAA & DC –in Silver Jub ilee Souvernir a tlangzarh ang. Rev. Dr. K. Lalrinthanga, Executive Secretary, Aizawl-in “Chawlhna awmzia leh a pawimawhna - tunlai thalaite nun ah” tih thupui hmangin thuchah a sawi ang.
Pathianni nilengin Progamme an la hmang ang a, inkhawm dar 10:00 ah tan a ni ang a, Rbt Jacob Lalruatpuia’n kaihruaiin, Chanmari Unit, Chawlhhmun Unit, Central Unit leh Bethlehem Veng Unit Zaipawl te bakah TBC. Zaithanpuia leh Esther Lalthianghlimi ten Pathian fakna hla an sa ang a, Rev. Lalthangliana Hnamte, BCM President-in “Isua nihna leh a hnathawh - a mite nun ah” tih thupui hmangin thuchah a sawi ang.
Pathianni chawhnu dar 1:30-ah Fellowship a awm leh ang a, Special Item hrang hrang - Group zai, Duet, Solo, Zaipawl, Musical Drama, Short Play ;eh Accapella te awmin mit leh beng tlaina bakah thlaraulam hlawkna tur tam tak a awm dawn a ni.
Inrinni zan dar 7:00-ah Meet kharna inkhawm awmin Rbt.Dr.JV Nunchunga’n Inkhawm a kaihruai ang a. Zaipawl - Electric Unit,Vaivakawn Unit,Venghlui Unit, Zemabawk Unit leh Aizawl Area Baptist Choir bakah Durtlang Unit Group zai te Lalneihzeli Sailo, HC. Lalchhuanmawia te Pathian fakna hla an sa ang. Rev. Lianchhunga Khiangte-in “Beiseina thar Isua - thlarau chawlhna famkim” tih thupui hmangin thuchah a puang chhuak dawn a ni.
