Aizawl khawpui huam chhunga Baptist Kohhran Mipa Pawl (BMP)te chuan a vawi 18-na atan November 28-30, 2014 chhung khian Aizawl City BMP Meet, Kanaan Veng Biak inah an nei leh dawn. Thupui atan ‘Dinthar lehna’ tih thlangin speaker atan Rev.F. Sangvela an hmang ang.
# Zemabawk Bial BKHP InkhawmpuiZemabawk pastor Bial BKHP chuan November 22-23, 2014 hian ‘I rawngbawlna kha hlen rawh’ tih thupui hmangin Bial inkhawmpui an nei dawn a. Speaker atan Evan. Lalengmawia Rehthlei (Ramthianghlim Palai team) an hmang ang.
# Kohhran Feh chhuak mek leh Feh chhuak tawh:
Tunlai hian Mizoram chhung leh rampawnah te rawngbawla fehchhuah a hluar hle a. Kan hriat theih chinah kar hmasa khan Lunglei Ramthar BMP member 30+ te Champhai bialah an feh chhuak a. Serkawn TKP te member 40 vel chuan Serchhip an tlawh a. Tawipui South BMP member 31 te pawh November 10-17 chhung khan Nghalimluiah workcamp in an feh chhuak bawk.
Tun kar chhung hian Lunglei Zotlang North BMP member 18 te Kau chhuahah thawktu Quarters sa-in workcamp an nei mek. New Saiha Kohhrana Mission Committee leh TKP te chuan an bialtu Pastor, Rev.K. Lalbiakenga hovin tunkar Pathianni hmang hian Bolosora-ah rawngbawlin an feh chhuak dawn a, Kikawn Unit TKP te chuan Tuichawng CBC Kohhran camping-ah a tul apiang pui turin member 10 an thawk chhuak a. Shalom Kohhran Chawngte ‘P’ member 18 te Tripura field fang turin November 17 khan an chhuak bawk.
