December 11 (Inrinni) khan Aizawl City Baptist Mipa Pawl Coordnination Committee Kum 25-na (Silver Jubilee) lawmna BCM Biak In, Central Church, Aizawl-ah neih a ni a. Jubilee thupui atan “Kei leh ka chhungte erawh hi zawngin Lalpa rawng a nia, kan bawl dawn ni” tih thu, Josua 24:15 hman a ni a, Fellowship Department Director Rev. F. Ramdinmawia’n he hun hi a hmanpui a ni.
December 10, 2021 (ZIrtawp) zanah Jubilee lawmna Mei det neih a ni a, a tuk Inrinni zing dar 11:00-ah Jubilee dar vuak niin, dar vuak zawhah inkhawmin chhunzawm a ni. Inkhawm hi Pu K. Zodinmawia, Chairman, BMP Coordination Committee, Aizawl-in a kaihruai a, Pu Thangliana, Secretary, BMP Coordination Committee, Aizawl-in report a pe bawk. FOD Director, Rev. F. Ramdinmawia, General Secretary-in chibaibukna sawiin, MBMP President Rbt. Chawngrolura’n fuihna thuchah a sawi a, Rev. RC Vanlalluaia, Area Development Committee, Aizawl-in Silver Jubilee Souvenir a tlangzarh.
Heng bakah hian BKHP leh TKP Coordination Committee, Aizawl te’n Silver Jubilee chibaibukna an sawi a, BCM Central Chruch aiawhin lamwpuina thuchah tawi ngaihthlak a ni a, Nl. Lalfakkimi(Mafaki), Nl. Rosy K. Remsangpuii, C. Vanlalmalsawma (Sawmtea) te fakna hla sak leh Pu J. Rosanga’n Recitation sawi te ngaihthlak a ni bawk.
BMP Coordination Committee hi kum 1996-ah din a ni a, tun-ah hian Pastor Bial 10 awmin Member 1876 an awm mek a ni.
