Tunkar Thawhlehni, February 1, 2022 khan Mizoram Baptist Kohhran, Aizawl Area Pastor’s Meet chu Baptist Multipurpose Centre, Folkland, Aizawl-ah neih a ni a.
Pastors' Meet hi Chawhma dar 10:00 ah tan a ni a, hun thum ah then in, hun hmasa ber Rev. PC. Lalmuankima (Kolasib Bial) in a kaihruai a, Rev. Dr. R. Lalthanmawia, Executive Secretary, Aizawl-in kalkhawmte Inhmelhriattirna neiin, ‘Pathian Thuruk awm zia’ tih thupui hmangin thuchah a sawi nghal a. Hun hnihna hi Rev. Hmingthanzama Chawngthu (Zawlnuam Bial)-in a kaihruai a, Rev.T. Lalsangvunga (Aizawl Central Bial)-in “Enkawltu Tha leh Rinawmna Pawimawhzia.” tih thupui hmangin thuchah tawi a sawi. Hun thumna hi Rev.T.Lalawia (Luangmual Bial)-in a kaihruai a, "Zirtirna danglam laka Kohhran venhim leh humhalh chungchang leh Kohhran hmasawnna tura mamawh te" tih thu hmangin sawihona hun hman a ni.
Aizawl Area huam chhungah hian Pastor Bial 32 awmin, Pastor thawklai 32 leh Pro.Pastor 10 an awm mek a, tun tumah hian pastor 28 an tel thei a ni.
