Tunkar Thawhlehni, April 26, 2022 chawhnu dar 2:00 khan Area Development Working Committee, Aizawl chuan Baptist House, Upper Khatla-ah meeting an nei a. Meeting hi Area Development Working Committee Chairman Rev. JC Vanlalluaia’n a kaihruai a. Committee Secretary Rev. R. Lalrintluanga, Executive Secretary chuan report a pe bawk. 
Secretary Report chuan April 8, 2022 ah Executive Secretary charge a lak thu leh ES Quarters a chhungkua an luah thu te, Office kalphung hnathawh mekte a zir chian mek thu te tarlangin, Baptist House siam that hna thawh dan leh sum hmanna te ziakin a sem a, tun dinhmunah Sum Balance Rs. 3,86,830/- a nih thu a tarlang bawk.
Meeting thu rel langsar zingah - BES ‘N’ Chaltlang School Building repairna leh Furniture siamna tur dilna ngaihtuah-in Rs. 50,000/- pek turin BCM Education Department Committee ah dilna thlen ni se tih a ni a.
Baptist Multipurpose Centre enkawl zuina atan Headquarters atangin Rs. 500,000/- an dawn chu a hmanna tur leh a tul apianga hma lo la turin mi 5 ruat an ni a, hma lak tur pawh ruahmanna duan a ni.
Executive Secretary in Audio Visual Production, Aizawl chu tih changtlun a ngaih thu leh bungrua mamawh belhte sawiin, mamawhte hi Communication Department Committee ah thlen ni se, ES Office lam atangin hma lo la se an ti bawk.
