Academy of Integrated Christian Studies (AICS) chuan April 20, 2018, (Zirtawpni) hian Zirlai zirzo te tirhchhuahna leh thlahna inkhawm vawi 16-na (16th Valedictory Service) Pastor Thanzinga Chapel, AICS-ah an hmang dawn a. Inkhawm hi Principal Rev. Dr. R. Zolawma, Principal, AICS-in kaihruaiin, zirlai kal chhuakte puala thuchah (Valedictory Address)Rev. Dr. Limatula Longkumer (Dean, Research and SATHRI, Senate of Serampore) in a nei ang a, BCM aiawhin  Rev. Dr. C. Vanlaldika, AGS i/c Mission-in thu a sawi bawk ang.

Zirlai zirzo tirhchhuah tur te hi an vaiin mi 36 an ni, hetiangin; Master of Theology (M.Th) - 5 Diploma in Mission Studies - 5 Bachellor of Divinity (BD) - 24 Master of Divinity (M.Div) - 2 Total = 36 te an ni a, kohhran pawl hrang hrang Presbyterian Kohhran (PCI), Methodist, Kuki Baptist Convention leh Baptist Church of Mizoram te an ni.

Valedictory Service hmanpui tur hian BCM hruaitu te leh Aizawl Khawpui chhung Pastor leh Tualchhung Kohhran Hruaitu te bakah, kohhran pawl dang hruaitu te leh Aizawl Theological College, Salvation Army Officer’s Training College leh Sorkar-a zirna lama hotu te leh Mizoram University Hotu te sawm thin an ni.

Zirlai tirhchhuah tak te zing ah United Penticostal Church (NEI) atanga zirlai, Lalduhsaka Saza, Bachelor of BD (BD) zirlai chu mark za a sawmsarih (70%) hmu a ti tha ber niin, zirlai kalchhuak zawng zawng aiawhin thu a sawi. AICS ah hian zirtirtu 23 awm in, India rama Pathianthu zirna ah chuan Faculty members (zirtirtu) nei tha ber te zing ami niin result pawh an nei tha thei hle a, BD zirlai tirhchhuah zing ami C. Lalawmpuii chu khawvela Pathianthu zirna tha berte zing ami Princeton Theological Seminary, USA atangin Th M (Master of Theology) zir zawm turin scholarship pek a nih thu Rev.Dr. Zolawma, Principal, AICS chuan valedictory hmanpuitu te hnen ah a tarlang bawk. Valedictory Service hi BCM hruaitu te, Aizawl Khawpui chhung Pastor leh Tualchhung Kohhran Hruaitu te, zirlai tirhchhuah chhungte leh thenrual te bak ah BCM Choir, Lunglei leh Aizawl Area Baptist Choir ten an hmanpui.

Graduating Class of 2018