Student Christian Movement of India (SCMI), AICS Unit chuan Date 13 (Tue) – 15 (Thu) October 2015 chhung hian Academy of Integrated Christian Studies (AICS) campus ah, 78th Student Christian Movement – Northeast India Regional Annual Camp a thleng dawn a, Camp thupui atan Youth in Action tih a ni. Northeast State-a Unit hrang hrang atangin students (palai) 70 vel lokal tura beisei a ni.
He Camp-ah hian Bible Study te, Cultural Programme, outdoor activities leh Paper pathum zir ho tur a awm dawn a, chungte chu: 1. Living and growing with Strangers, 2. Not owner but Stewards leh 3. Practical Recipe for success te an ni a, resource persons turte chu Rev Dr R. Zolawma - Principal, AICS, Guithuilung Daimei - Program Manager, NEICORD leh Karoung Thanghao Kom - Chairman, Mustard Seed Foundation te an ni dawn a ni.
Student Christian Movement of India (SCMI) hi World Student Christian Federation (WSCF) hnuaia in affiliate a ni a. India rama theological college te mai bakah college hrang hrang ah unit an awm a, Church unit te pawh an awm a ni. SCMI headquarters office hi Bangalore ah awmin, SCMI hi India ram pumpuiah ah hian region 13 a then a ni a, North East India hi region pakhat a ni. Mizoram bikah hian Academy of Integrated Christian Studies (AICS), Aizawl Theological College (ATC) leh Mizoram Bible College (MBC) ah te unit an ding mek a ni.
Reports: VL Thansanga Dawn Sp
