Rev. Dr. K. Lalrinthanga.
[caption id="attachment_3055" align="aligncenter" width="267"]
Associate General Secretary[/caption] Rev.Dr.K. Lalrinthanga hi Rev. KT. Chungnunga leh Pi Lalbiakthangi (L) te fapa upa ber dawttu a ni a. Kum 1955 July ni 21-ah Kristian Hospital, Sêrkâwn -ah a piang a, a san lam hi ft 5 leh inches 8 a ni. Unau mipa pathum leh farnu pakhat a nei. A pa Rev. K.T. Chungnunga’n June ni 8, 1969-ah Baptisma a chantîr a, May ni 7, 1982-ah Chawngthanpâri nên Rev. H.S. Luaia’n Sêrkâwn Biak in-ah a inneihtîr a fanu pathum an nei.
Rev.Dr.K.Lalrinthanga hian 1979 khân St. Anthony’s College Shillong-ah B.A a zir zova. North Eastern Hill University-ah M.A. a zir laiin Pathianin rawngbâwl tûra a kohna chu hnial chiah ngai lovin a zirna chu bânsanin Pathian thu a zir ta zâwk a ni.
Pathian thu zirna lam : Kum 1980 atanga 1983 April thleng Union Biblical Seminary-ah B.D. a zir zo a. Chumi hnuah 1989-1990 khân BCM tirhin South Korea rama World Mission Center, Presbyterian Theological College and Seminary-ah M.Th. a zir zo leh a. Kum 2002 atanga 2006 April thleng khân BCM tirh bawkin South Asia Institute of Advanced Christian Studies Bangalore-ah Ph.D. hlawhtling takin a zir zo leh a ni.
Rawngbâwlna lam 1) Missionary Tripura Field - 1983 - 1989 2) Minister-ah a nemngheh - 1986 Assembly 3) Aizawl Bialtu pastor puitu : 1989 4) Lungsen Bialtu Pastor 1991 - 1994 5) Lecurer, Missionary Training Institute, Serkawn - 1994 6) Field Director, Aruncachal Apatani Field – 1994 - 2002 7) Futher Study in Bangalore (UTC) 2002-2006 8) Kolasib Bialtu Pastor- 2006 - 2007 9) Home Mission Director – 2007-2010 10) AGS Mission – 2010 – 2013 11) AGS Mission – 2013-2016 .............................Rev. Lalbiaksânga Chinzah.
[caption id="attachment_3056" align="aligncenter" width="300"]
Associate General Secretary[/caption] Rev.Lalbiaksânga hi 4.9.1952-ah khân Chhimtuipui District-a Paithar khuaah a lo piang a ft 5’, 4’-a sâng a ni. A pa chu Niduna a ni a, a nu chu Dârsuii a ni. An unau hi mipa 2 leh hmeichhe 3, an vaiin 5 an ni. Kum 1969 November thlaah an khua Paithar-ah (Kurunglui)-ah Baptisma a chang a. B.Lalrammawii nên 2.2.1982-ah an innei a, fapa 2 leh fanu 1 an nei. M.A. a zawh hnuin College Principal hna a vuan nghâl a, chu chu bânsanin Pathian thu zir a tum ta a. Harsatna tam tak sut tlang a ngaia mahse Lalpan a duhna ang ngeia awm tûrin a lo pên chhuak ve ta a. Ama sawi dân chuan “Tûn thlengin he thilah hian inchhirna ka nei lo” a ti a ni. Hetiangin Pathian thu a zir. 1982-1985 B.D. Serampore College-ah a zir 2002-2004 M.Th (Communication) U.T.C. Bangalore-ah a zir Kum 1985-ah Probationary Pastor-a lâk a ni a 1987 BCM Assembly Sêrkâwn-ah Rev.Dr.C.L.Hmingan Minister-ah a nemnghet ta a ni. A lo awm tawhna Bial leh hna hrang hrang a lo chelh tawhte chu hetiang hi a ni. 1985(May)-1987(June) - 
