March 14 atanga ni 17. chhung khan Rev Dr C.Vanlaldika AGS i/c Mission leh Rev. K. Lalnunsanga Reginal Director, Guwahti Region te chuan Mission Board thuchhuak leh Assembly thurel bawhzuiinย Arunachal-a BCM Mission Field pathum an tlawh.
Hemi pah hian BCM in kan rawngbawlpui Assam Baptist Convention Office tlawhin an General Secretary, Mission Secretary leh Office staff te an lo dawngsawng a ni.
Arunachal Far East Field tlawh hmasa ber in Field Director Rev James Zorammawia te chhungkua leh Missionary-ten an lo dawngsawng a. Helai hmuna kan rawngbawlpui Dibang Lohit Baptist Churches Association hruaitute nen meeting pawimawh neihzui nghal a ni a, DLBCA hian BCM hnenahย an school Mt Carmel School min hlan a, hei hi kumin Assembly ah khan pawm a ni a, School kal chhoh zel dan tur chungchang te sawiho a ni.
Nilaini March ni 16 khan Arunachal East Field Headquarter Pasighat tlawhin, Field Director Rev. Lalsangzuala Sailo leh Adi Baptist Union hruaitu ten lo dawngsawng in, meeting pawimawh neih nghal a ni a. Adi Baptist Union hian an school tan BCM hnenah Principal an dil chu phalsak a nih angin, hemi chungchang kalpui zel dan tur an sawiho bawk.
Mission Departemnt hruaitu te hi March ni 17 ah, Arunachal West Field, Naharlagun ah kal leh in, Field Director Rev. Lalbiakhlua Chawngthu leh Missionary dang ten lo dawngsawng in, inkawmhona hun tha tak neih a ni a. Arunachal West Field huam chhunga hnam hrang hrang te zinga rawng kan bawl dan te thlirho a ni a, hmalak zel dan tur ruahmanna te pawh sawiho a ni bawk.
