BCM Hqrs. Office, Serkawn[/caption]
December 8 & 9, 2020 khan Mizoram Baptist Kohhran, Administrative Committee leh Administrative Working Committee chuan Sap Upa leh Pu Buanga Hall, Serkawn-ah Joint Meeting an an nei.
Kan tarlan tawh thin ang khan kuminah Covid 19 hrileng avangin Assembly Committee lian pathum te hi November thlaa an meeting hun tura ruat chu thulh vek a ni a. Hetih lai hian heng Committee lian hnuaia Department Committee hrang hrangte Budget leh Plan te, dilna hrang hrang lut leh Assembly a lut tur te lo en a, pawmpui theitu Committee a nih avangin an aiawha thuneihna pek Administrative leh Administrative Working Committee chuan heng Budget leh Plan te hi thlirin Department atanga dilna hrang hrang lut te hi a thlir a, Assembly Committee lian te aiawhin Assembly Executive Committee leh Assembly-ah te a la thlen chho leh ang.
He Meeting hian Covid-19 Hripui leng avanga Bial leh Tualchhung Kohhran hrang hrangah BKHP, BMP leh TKP hruaitute inthlan chungchanga harsatna awm thei te ngaihtuahin “Sawrkarin inkaihhruaina dan a siam zawm chungin, phalna pe theitu atanga phalna an hmuh chuan inthlanna hi kalpui theih a ni ang“. tiin an rel bawk.
