Mizoram Baptist Kohhran – Area Baptist Council (ABC) Rorel Inkhawmpui chu October 28-30, 2016 chhung hian neih a ni dawn ta a. He Inkhawmpui hi ABC 14-ah a rualin neih a ni ang. October 28, Zirtawp zan atangin Inkhawmpui hi tan a ni ang a, Vantlang Inkhawm atan hman a ni ang. Inrinni nilengin ABC Rorelna neih a ni ang a, hetah hian Pastor Bial Rorelna-in Assembly 2017 - agenda tur ABC kal tlang tur te ngaihtuah a ni ang. Inrinni zan-ah vantlang inkhawm a awm leh ang.
Pathianni Chawhma inkhawm chu Kohhran Upa Ordination Service atan hman a ni ang. Kuminah hian Upa 140 nemngheh tur awmin, anmahni awmna ABC theuh-ah nemngheh an ni dawn a ni. Pathianni chawhnu-ah Lalpa zanriah (Sacrament) kil ho a ni ang a. Zan lamah Vantlang Inkhawm neih a ni leh ang. ABC hrang hrang inkhawmpui neihna hmun tur leh thupui chu hetiang hi a ni:-
| Sl | ABC Hming | Inkhawmpuina | Thupui | Ordain tur zat |
| 1. | Aizawl East ABC | Phuaibuang | Ka thuhretu | 14 |
| 2. | Aizawl West ABC | Salom, MSvt | I nunna turin tlan chhuk rawh | 8 |
| 3. | Aizawl North ABC | Chaltlang | Rinawmna | 15 |
| 4. | Buarpui ABC | Ramhlun, Buarpui | Thlarau Thianghlim | 13 |
| 5. | Ditlang ABC | Bungtlang 'S' | - | 6 |
| 6. | Hnahthial ABC | Hnahthial Lungleng | Kristian Nun | 6 |
| 7. | Lawngtlai ABC | Electric, Lawngtlai | Lalpa Hmantlak | 12 |
| 8. | Lunglei North ABC | Ramzotlang, Serkawn | Ram chu Lalpa ta a ni | 15 |
| 9. | Lunglei South ABC | Ebenezer, Zobawk | Ringtu Nun | 24 |
| 10. | Lunglei West ABC | Bazar, Lunglei | Isua zuitu rinawm | 5 |
| 11. | Phawngpui ABC | Sikulveng,S.Vanlaiphai | Thlarau Thianghlim | 9 |
| 12. | Serchhip ABC | Kuanghlum,Pangzawl | I ram lo thleng rawh se | 8 |
| 13. | Tlabung ABC | N.Saloam, Lungrang | Tho la, Ipathian ko rawh | 3 |
| 14. | Tut Thlang ABC | W.Phaileng(Bethelem) | Ringtu Nun | 2 |
