Mizoram Baptist Kohhran – Area Baptist Council (ABC) Rorel Inkhawmpui chu October 27-29, 2017 chhung hian neih a ni dawn ta a. He Inkhawmpui hi ABC 14-ah a rualin neih a ni ang. October 27, Zirtawp zan atangin Inkhawmpui hi tan a ni ang a, vantlang Inkhawm atan hman a ni ang. Inrinni nilengin ABC Rorelna neih a ni ang a, hetah hian Pastor Bial agenda, ABC kal tlanga Assembly 2018-a thlen tura chhawpchhuah te ngaihtuah a ni ang. Inrinni zan-ah vantlang inkhawm a awm leh ang.
October 29, 2017 (Pathianni) Chawhma inkhawm chu Kohhran Upa Ordination Service atan hman a ni ang. Kuminah hian Upa 127 nemngheh tur awmin, anmahni awmna ABC theuh-ah nemngheh an ni ang. Pathianni chawhnu-ah Lalpa zanriah (Sacrament) kil ho a ni ang a. Zan lamah Vantlang Inkhawm neih a ni leh ang.
| 2017 ABC NEIHNA HMUN LEH THUPUI | |||
| No | ABC Hming | ABC neihna hmun | Thupui |
| 1 | Aizawl East ABC | Farkawn | Rinawmna |
| 2 | Aizawl North ABC | Ramhlun North | Lal Isua zui |
| 3 | Aizawl West ABC | Rep. Vengthlang | Isua zuitu rinawm |
| 4 | Buarpui ABC | Buarpui | Rinawmna |
| 5 | Diltlang ABC | Gilead, Diltlang | I ram lo thleng rawh se |
| 6 | Hnahthial ABC | Chanmari, Hnahthial | Pathian chibai buk |
| 7 | Lawngtlai ABC | Lawngtlai Bazar | Kohhran |
| 8 | Lunglei North ABC | Lamthuamthum, Haulawng | Kristian chhungkua |
| 9 | Lunglei South ABC | Tawipui N- I | Lalpa lo kal lehna |
| 10 | Lunglei West ABC | Venglai, Lunglei | I Pathian tawk turin inpeih rawh |
| 11 | Phawngpui ABC | Muallianpui North | Rinawmna |
| 12 | Serchhip ABC | Rawpui | Rinawmna |
| 13 | Tlabung ABC | Zodin, Tlabung | Khawvel mamawh Isua Krista |
| 14 | Tutthlang ABC | Chaltui, Phuldungsei | Simna |
