October, 25 2016 (Thawhlehni) khan Mizoram Baptist Kohhran, Relief & Development Department leh Asia- Pacific Baptist Aid (APBAid te buatsaihin BCM, Relief & Development Department hnuai a Self Help Group hrang hrang thlanchhuah te tan Skill Up-gradation on Poultry & Piggery Farming, SHG Book Keeping Program, R & D Hall, Ramzotlangah hman a ni a. Hetah hian Dr. Ngurzidingi Sailo, Veterinary Officer AH & Vety leh Nl. C. Lalremsangpuii, Project Incharge, BCM, R&D te’n zirtirna an pe. Program hlung tak hmangin Training a local te’n hlawk thlak an ti hle.”
BCM R&D hian Hmeichhe dinhmun harsa leh Naupangte chawikan nan Sharing Group (SHG) pawl 20 a enkawl mek a. Hemi hmang hian mi tam zawk chuan eizawnna ngialnghet leh rintlak zawkin hma an la mek a ni. Tin, Lydia project hnuaia Hmeichhe tan bik a Self Help Group pawh Lawngtlai, Aizawl, Lunglei leh Champhai area-ah te din a ni. Amaherawhchu, Area tin hi anmahniin an kal hrang tawh a, Lunglei Area ah Group 25-ah member 233 awm in, Aizawl Area-ah Group 30-ah member 268 an awm mek a ni. Group te hi Loan pek thin an ni a, Member-te hian an loan lak atang hian eizawnna atan hna kawng hrang hrang an thawk a, an hlawkpui hle thin a ni. Tin, Child Development Centre Project Thuampuiah naupang 308 chawm a enkawl chhunzawm mek a ni a, heng naupang te hi kum 3 – 14 inkar an ni tlangpui. Heng kan naupang zawng zawng tan hian Health Check-up neihpui an ni, kum 9 chin tan Teakwondo class kalpui an ni a, heng bakah hian kum 12 chin tan Environmental awareness te, Recitation Competition te, Letter Writing Competition leh Study tour te Reiek tlang ah-te neihpui an ni bawk.
Read More about BCM Relief and R&D Latest report
