Mi 32 -in Baptisma chang thar 

Pathianni kal ta, October ni 13 khan heng a hnuaia tarlan ang hian hmun hrang hrang 3-ah Baptisma chang thar 32 an awm. Chungte chu:-

Fangfarlui-ah 18 ; 

Khojoysury-ah 6 ; 

Suguarbasora-ah 8

Zotlang Bial Zaipawl Assam Field-ah 

Zotlang (Lli) Pastor bial zaipawl member 20 te chu October 16-25 chhung hian Assam field-ah Kohhran hrang hrang tlawhin an feh chhuak mek a; Speaker atan Kohhran Beng Editor, Upa KMS.Dawngliana hmangin vawiin Pathianni hian Debitolaah hun an hmang ang a, zanah Dubri-ah an inkhawm ang. Zaipawlte hian an kalna Kohhran tin hnenah Rs.3000/- theuh an pe.

Workcamp:

Tunlai hian Mizoram chhung leh pawna kan Mission field-ah Workcamp nei an awm nual a; kan hriat theih chinah Serkawn Kohhran member 9 te Tui-chawngah Biak in thutphah siamin an kal a, Kikawn Kohhrante Kawrpuichhuah-ah Biak in sa in an thang mek bawk.

Pi Chhawnkimi AP-ah kir leh ta

Arunachal Pradesh-a mahni inpea missionary rawngbawl hna kum 30 lai thawk tawh Pi Chhawnkimi (63) chu Bangalore-ah thla thum saptawng a zir hnuin tha takin a zo va; tunah chuan a thawhna hmun panin a haw leh ta. Pi Chhawni hian missionary hna hi hlawk zawka thawh zel a la tum ruh hle a, Kohhranhote tawngtaina a mamawh zia thu kan palai a hrilh.

Nazarith Biak in hawng

Mamit Biala Nazarith Biak in thar chu bialtu pastor, Rev. James Zorammawian October 12, 2013 (Inrinni) khan a hawng.