MTKP in thisen pek chungchang Workshop nei
Mizoram TKP chuan Association for Voluntary Blood Donation (AVBD) nen tangkawpin tunakar Inrinni (July 27, 2013) khian Lunglei khawpui chhung huapin Chanmari Kohhran Hall-ah Workshop on Voluntary Blood Donor Motivation for Church Youth Leaders an buatsaih dawn a. MSACS leh Medical & Health lam hotute nen khawpui chhunga Pastor bial aiawh leh Unit aiawh te in tir turin a hriattir a ni. Thisen pek chungchanga hriattur pawimawhte inhrilh hriatna hun an hmang ang.
Zo-Clinic Technician Training:
Mizoram Baptist Kohhran, Relief & Development Department chuan kumin hian Thingtlang khaw 10-ah Zo Clinic Centre a hawng thar leh dawn a. Heng Centre-a thawk tur mi thar 10 leh a lo thawk tawhte tana Refresher course atan Technician Training a buatsaih chu July 16 atang khan kalpui mek a ni a, August 16 thleng he Training hian a awh ang.
July 30-ah TKP Day hmang dawn:
July 30, 20112 (Thawhlehni) hi Thalai Kristian Pawl (TKP) din champha phak vawi 62-na a ni a. Hemi ni hi Mizoram pumah TKP member ten an hmang dawn a ni. Kumin TKP Day thupui atan “Khawvel eng in ni e ” (Mathaia 5:14) tih hman a ni ang. Headquarters atangin Progamme hman dan tur kaihhruaina siamin hemi zulzui hian Unit tinah hman a ni ang.
(Chipchiar zawka chhiar duh tan)
Sunday School Enlawkna Zonet-ah
Aizawl Central Church-a Sunday School leh Communication Committee hmalaknain kumin April thla atang khan BCM Sunday School Senior B zirlai chu kan Pastor senior te hmangin Pathianni tin enlawkna hun an hmang a, hei hi zinglam dar 8 velah Zonet Zawlbuk programme-ah tihchhuah thin a ni.Beirual thuzir hun chungchang:
Administrative Committee chuan kumin 2013 atanga hman tan turin Beirual Thuzir hun atan September 21-30 a ruat a. Amaherawhchu inhriattirna hun duh angin a neih hma theih loh va. Tualchhung Kohhran eng emaw zatin September thla chawhnu lamah programme lian leh pawimawh tihdanglam chi loh kum tir atanga ruahman kan nei tih hriat a ni a. Chuvangin BCM Puipate leh Head of Department te inrawnkhawm chuan programme lian leh pawimawh lo ruahman lawk tawhte chu lo ruahman lawk anga kal mai ni se; chawhma lama Thuzir tura lo inruahmante pawh tu mah inthlahrung lovin tum tlang mai ni se tih a ni. Nakum (2014) atang chuan September 21-30 hi kum tin Thuzir hun atan hman theuh tawh tur a ni ang.
