June 13, 2012 (Ningani) :  Tunkar Pathinni – June 16, 2013 hi Mizoram Baptist Kohhran Nipawimawh “Relief Sunday” a ni a.  Mizoram Baptist Kohhran Biak In tinah he Ni pual hian hun hman a ni ang. Kumina Relief Sunday Thupui chu "Ringtute leh kan chenna khawvel’  tih a ni ang.

 

Relief Sunday lo chhuah dan:

BCM hian kum 1966-68 vel atang khan Relief Sunday hi kan hmang tan tawh niin a lang a. Mizoramah Mau a lo tâm a, kan harsa em em a. Chu mi hnu lawkah ram a buai a, khaw sawikhawm a lo ni a, mi tam tak an mangang a. Hmun dang atanga tanpuina kan dawnte chu sem ve bawk mah ila a tawk zo lo va. Keimahni ngei pawhin mi mangang tanpui ngaite tanpuina tur kan neih ve chu tul hlein hriat a ni a. Relief Fund siam ni se tiin rel a ni ta a. Hetiang lama kan mawhphurhna hi Kohhran miten kan hriat deuh deuh theih nan June thla Pathianni eng emaw ber hi hman a ni a. Calendar-ah Kohhran hun pawimawh dangte nen a insutbuai lohna turin June thla Pathianni vawi thumna hi ruat fel a lo ni ta a ni.

Report

Kumin Relief Sunday ah hian BCM R&D in kumin chhunga hmalakna hrang hrang a lo neih tawh leh hmabak a la neih te kohhran hote hriat a han tarlan thain kan hria a. Tin, chu mi rual chuan in mi tawngtaipuina leh puihbawmna pawh ka han dil leh nghal bawk e.

 

Hmalak dan tlangpui leh hmalakna thenkhate:

1. Lo/huan nghet neih kawnga hmalakna: 

Kumin chhungin Lo/Huan nghet neih kawnga hmalakna kawng hrang hrangin kan nei a. Chung zingah chuan Dan leh Hrai lam leh Lo nghet siam dan leh a enkawl dan te inzirtirna uar taka pek a ni a.Model farm Sorkar nen tangkawp a siamte kan thawk a. Lo neitu mi 60 lo neih dan kal hmang thar tlangram loneih dan bik chungchang ah training pek an ni a. Khaw 15 te hnenah Serthlum tiak 4452 leh Thlai chi, chi hrang hrang man tlawm tea hralh chhuah a ni.

2. Hriselna lama hma lakna:

Hriselna lama kan hmalakna lian leh pawimawh tak mai Zo-clinic hi a ni a. Tun dinhmun ah hian Mizoram khaw hrang hrang 80 chuang ah Zo-clinic hi tha tak a kalpui mek a ni a. Tin Kumin chhungin nikhum lama Technician training te hmang tangkai in Zo-clinic hi khaw 7 ah din belh a ni. He Zo-clinic ah hian Malaria thisen exam hna thawh leh a tul dan ang a Damdawi pek te, BP sang leh Zunthlum ente, Typhoid test hna te an thawk nghal ani. Training chhuakte hi Microscope a thlawna pek an ni a, BP enna khawlte, Sugar enna khawl  leh Typhoid enna khawl te subsidy a pek chhuah an ni bawk.

Tin, CMAI nena kan thawh hona pawh a chhunzawm zel a ni a. Lawngtlai leh Saiha District chhungah mi 8 in hna thawkin, Lunglei District leh Serchhip District chhungah mi 9 hna thawktu kan nei bawk. Nikum November atanga tun thlenga Reporting period chhunga Malaria do kawnga hma lakna chu hetiang a ni. Zo-clinic hnuaia  thisen exam 1044 zingah 268-te Malaria hrik hmuh a ni. CMAI hnuaia  thisen exam sak  5732 zingah  378 PF, 233PV hrik hmuh a ni. Anni hian RDK hmangin PF a thlawnin an en sak thin. Thosilen sem zawng zawng 100.

Tin, heng bakah hian hriselna lama hma kan lo sawn zel theih nan Khaw 11 a chhungkaw 100 hnenah Ek in sakna pek a ni a. Khaw 5 te hnenah tui thianghlim awlsam taka an ei an in theih nan tuikhur siamna pek a ni bawk. Hriselna lama inzirtirna turin School naupangte hnenah Hriselna lam hawia  Essay in ziahsiak Haulawng Govt High School ah neih a ni. He Essay ziahsiak-ah hian school 5 atangin naupang 13 an tel a ni.  

3.3. Skill training:

3.1. Puanthui training chhunzawm zel ani a. Puanthui training hi R&D Office hnuaiah mi 14 training pek mek an ni.

 

3.2 Computer training hi Pangzawl bial TKP te nen tangkawpin Pangzawlah neih chhunzawm zel a ni a. Mi 42 in zir chhuak tawhin tunah hian mi 26 in an zir mek.

 

3.3 Shelf Help group leh Sawrkar hmalakna chungchang a in zirtirna hi mi 120 chuang te hnenah pek a ni.

  3.4 Mi 19 te hnenah wireman training pek a ni.

4. Staff training: Financial Management Training

BCM R&D staff te hmasawnna hna thawh kawnga  tunlaia hriatna leh thiamna hman tangkaite zirna neih thin ani a. Hei hi Baptist World Aid Austrialia bul tum in Association for Technical Knowhow (ASK) Delhi lam a mi thiam te nen Feb 5th – 12th  hun chhung khan training neih a ni. He training ah hian R&D a thawktu mi 10 ten training hi an nei a ni.

5. Lydia Project:

Lydia Project hnuaiah vawiin ni thlengin Self Help Group 100 chhuang din a ni a. Group-te tan hian Group inkaihhruaina chi hrang hrang buatsaihin Sum tuakna bul tanna atan loan eng emaw zah sem chhuah a ni. He project hi Baptist Union of Norway te nen a tangkawp a thawh hona a ni.

6. Child Development Center, Thuampui:

Aizawl Thuampui venga Compassion East India nena Naupang chawmna hna thawh pawh chhun zawm zel a ni a. Kumin chhungin naupang 209 support mek an ni.

7. Relief: (Chhawmdawlna)

Report hun chhung (April-June 2013) hian Mizoram-ah chhiatna hrang hrang a thleng a. A bik in kangmei, thli leh leimin avangin hmun hrang hrang ah harstana mipuiten an tawk a. He Chhiat tawkte tanpui nan hian BCM R&D chuan Tualchhung Kohhran eng emaw zatah special appeal kan siam a, he kan ngenna hi Kohhran hoten min ngaih pawimawhsak in pawisa leh thawmhnaw, mutbu leh bungbel thahnem tak mai tanpui ngaite tan kan han thawhkhawm leh ta heng thilpek pe tu zawng zawng mimal leh Kohhran ho chhungah lawmthu Pathian hming in kan sawi tak meuh meuh a ni. Heng tanpuina kan dawn atang hian BCM chuan pawisa fai Rs 89,000, Silpouline 67, Second hand bag 80 leh Rangva bundle 51 a pek chhuak a ni. Tunhnai mai a tanpuina kan pek chhuahna hmun te chu Zawlpui, Laipuitlang, Saikhumphai, Putlungsih, Nghalimlui, Serchhip, Bilkhawthlir leh Kolasib te a ni.

8. Hmachhawp hnaivai:

Tuna kan hna kallai mek thawh chhunzawm zel chungin a hnuai a mite hi hna hmasa turte an ni ang:   1) Kanghmun rama Demonstration Farm-a Training Hall sak chhunzawm mek zel a ni a hawn theih a peih fel tep tawh a ni.   2) Community Development Center Ramzotlang-a sak tur hma lakna atan ahmun hma chei fel leh Insakna hmanrua a theih ang ang a ngaihtuah chhunzawm zel a ni.   3) Organisational Capacity building training ASK pawlte nena neih chhunzawm.   4) Baptist World Aid atanga tanpuina kan dawn hmang in Mizoram hmun hrang hrang ah tanpuina pek tum a hmalak mek a ni.   5) Baptist World Aid Australia te puihna in Famers Tour June 2013 chhunga a neih tum a ni.  

6) Zo-Clinic hi khaw hrang hrang ah din belh zel tum a ni a. Chumi atan chuan technician training kumin chhung atan buatsaih leh tur a hmalak mek a ni.

Tlangkawmna:

Ringtute chuan kan mimal leh pawl ang pawhin enge Pathian duh zawng hmalak dan tur ni ang tih kan zawng thin a, Bible te rawnin hma kan la a. Krista aia Palai tha leh rinawm  nih chu kan tum ber ani fo thin. Khawvel mihring lo pung zel leh boruak, sik leh sa lo dang lam chak ta em em avangte, indo na leh in huatna a vangte leh corruption avangte in rethei an pung zel a. Harsatna chi hrang hrang te chu khawvel leh a chhunga chengten kan tuar vek a. A tuar nasa bertu te chu mi rethei leh ram rethei zawk ami te kan ni zel a.

 

Chanchin Tha chu Jerusalem atanga Judai leh Samari ram khaw tin a a lo darh a, a lo pung zel ang khan, kan ram Kristian ram ti a kan chhal thin atang hian a mi ch>ngte mai bakah Ram leilung leh nungchate duat taka kan tana tangkai an nih theihna tur zâwngin enkawl ila. A ch>n chereu zawng leh ti boral lo zawngin a vengtu leh enkawl tu nih theuh i tum ang u, tiin kumin kan Relief Sunday thupui hmangin kan in ngen nawn ve leh a ni e.

    M.S.Dawngliana Director,R&D Baptist Church of Mizoram