Mizoram Baptist Kohhran Hmeichhe Pawl (MBKHP) Rorel Vawi 63-na chu nimin khan Salem Biakin, Lunglei ah neih a ni a, Rorel palai 432 an kal a, Phuaibuang Bial tih loh chu bial tin atangin bial leh unit aiawh palai an kal thei a ni.
MBKHP President Pi.L.H Sangziki'n Rorel inkhawm a kaikhruaia, Rorel Palaite chu rilru zau tak leh Thlarau Thianghlim hruaina ngaichang chunga taima taka rorel turin a chah a. Pathian hnenah lawmthusawina leh Rorelte hlanin Tawngtai rualna neih a nih hnu-ah Minute Secretary thlan a ni a, Minute Secretary atan Dr.Chawngthanpari, Asst.Secretary, MBKHP thlan a ni. Pi B. Singpari, Organiser, MBKHP-in kum 2012-2013 MBKHP Report a pe bawk.
Organiser report-a tarlan danin tunah hian Pastor bial 73 ah BKHP Unit 411 a awm a, member 27329 awmin kum hmasa aiin member 932-n an pung a ni.
An thu Passed te:
1. Platinum Jubilee lawman senso atan Unit tinin vawi khat fehchhuah neih ni se.
2. Missionary te, Mission Field a thlarau thianghlim harhna a thlen theih nan te. Kan rama sual chi hrang hrang a lo tlem zawk nan leh Ram tan chawnghei tawngtai neih ni se.
3. Hatim pualin unit tinin vawi khat fehchhuah neih ni se.
4. Mirethei, Kuttual hleichham, chawmtu neilo tanpuina Rs.5/- member tina khawn thin chu Rs.10/- khawn ni tawh rawh se.BWA/IBWU/NEICC-WA leh Chawnghei Tawngtai Programme te hi hriatthiam awlsam leh tawifel deuha siam ni se.
5. MBKHP hian State pawn inkhawmpuina-a a huhova kalna turah chuan Bial hrang hrangte rualkhai zawka kaltir thin ni se.
6. Headquarters-a Bial hminga sum pek luh thin hi kum khatah vawi hnih Losi Chanchinbu-ah tih chhuah thin ni se.
7. Budget: FOD budget ceiling Rs. 700,000/- siam sa chu a hmanna tur hetiang hian ruahman a ni:-
1) Mission : Rs 135,000/-
2) Chhawmdawlna In : Rs. 130,000/-
3) FOD : Rs. 60,000/-
4) MBKHP Rorel : Rs. 50,000/-
5) Platinum Jubilee : Rs 100,000/-
6) MBKHP Inkhawmpui : Rs. 50,000/-
7) NEICC-WA palaina : Rs 30,000/-
8) General Fund : Rs. 145,000/-
TOTAL : Rs. 700,000/-
