Mizoram Baptist Kohhran chuan Dt. 7-10 February 2013 chhung hian Serampore College (University) Convocation 2013 chu Academy of Integrated Christian Studies (AICS), Shekina Hill, Tanhril, Aizawl-ah a thleng dawn a. He hunah hian Board of Theological Education of the Senate of Serampore College (BTESSC) meeting vawi 38 na leh Senate of the Serampore College Meeting Vawi 87 na neih hmasak a ni anga, Inrinni zan (9th February) ah AICS Celebration Nite hman a ni bawk ang. Hetah hian Mizo Hnamlam chi hrang hrang entir a nih bakah Worship Dance, Solo leh Zaipawl zai ngaithlak a ni anga, video Presentation a awm bawk ang. He He Convovcation-ah hian Rev Dr. H.S. Wilson chu speaker a ni ang a, Mizoram Chief Minister Pu Lal Thanhawla chu khuallin atan hman a ni dawn a ni.
[caption id="attachment_3108" align="aligncenter" width="300"]
AICS Convocation Choir[/caption]
Ni 10.2.2013 (Sunday) tlai dar 3:30 atangin Serampore College (University) Convocation programme hman tan a ni anga, heath hian Serampore hnuai atanga degree hrang hrang B.Th, B.D., BCS, M.Th leh D.Th leh degree dang hmu tharte degree hlan an ni ang. He Serampore College (University) Convocation thleng tur hian AICS lam pawh an inbuatsaih nasa hle tawh a, mi 2,000 thleng leng tur padal sak a ni a, mikhual 450 vel thlenna tur buatsaih fel tawh bawk a ni.
Rev. R. Zolawma, Lecturer AICS chu D.Th degree dawng tur zingah a tel a, Rev. VL Zawnga pawhin he hunah hian Doctorate Degree (Honorary) a dawng ve dawn a ni.
