April 7, 2022 (Ninganni) khan Sap Upa leh Pu Buanga Hall, BCM Office Serkawn ah MBKHP Executive Committee neih a ni. Meeting hi President Pi PC. Lalvohbikin a kaihruai a, Secretary Lalhmingmawii Chongthu hnen atangin report ngaihthlak a ni-
Secretary report chuan Lairam Isua Krista Baptist Kohhran Hmeiche Pawl (LIKBKHP) Inkhawmpui lian leh Golden Jubilee March 23-27, 2022 chhungin College Veng, Lawngtlai-a neihah MBKHP aiawhin Rbt.F.Zanguri leh Rbt. H.Lalkimi te an palai thu te, BKHP Hnahthial North Pastor Bial Seminar March 26-27, 2022-ah MBKHP hruaitute Lalhmingmawii Chongthu, Pi V.Biaklawmi leh Pi F.Lalawmpuii ten an hmanpui thu te, March 18, 2022 (Zirtawpni) khan 2022 MTKP Rorel BCM Biak in, Venglai, Lungleia neihah MBKHP President leh Secretary te chu co-opted a sawm an nih angin Rorel naah hian an tel thu te a tarlang.
Meeting thurel thenkhat te:-Kum 2022 BKHP Day hman dan tur rel a ni a, May 2, 2022 hi BKHP day a ni. BKHP Day thupui atan โInring rengin awm rawh uโ (Marka 13:37) tih chu thlan a ni. BKHP Day hman dan tur chu Unit kutah dahin, Hemi ni thawhlawm chu BCO Serkawn, Kohhran harsa leh Hatim tanpui nan te hman ni se tih a ni. Kum 2023 MBKHP Rorel vawi 73-na chu BKHP Chanmari Pastor Bialin an dil angin remtih a ni bawk.
Kum hnih chhung hrileng avangin MBKHP hruaituten Bial tlawha zin chhuak thei loa an awm hnuin kumin hian boruak a that chhoh tak avangin MBKHP hruaitu ten Tlawh khat Bial pasarih leh Bial ding thar paruk tlawh turin ruahmanna siam a ni a, hei bakah hian Bial atanga sawmna an hmuh angte tihlawhtling zel tum ni se an ti bawk.
- Kum 2022 BKHP Day hman dan tur rel a ni a, May 2, 2022 hi BKHP day a ni. BKHP Day hman dan tur hi Unit kutah dah a ni a, thupui atan Inring rengin awm rawh u (Marka 13:37) a ni. Hemi ni hian thawhlawm a awm anga thawhlawm chu BCO Serkawn, Kohhran harsa leh Hatim tanpui nan hman a ni ang.
- 2023 MBKHP Rorelna hmun tur tihfel a ni: 2023 MBKHP Rorel dawltu tur hi march 2022 thla chhungin Bial ten dilna thehluh theih tih a ni a. BKHP Chanmari Pastor Bial ten Rorel hi dawl an dil angin kum 2023 MBKHP rorel vawi 73-na chu BKHP Chanmari Pastor Bialin an dawl dawn a ni.
- Kum hnih chhung hrileng avangin MBKHP hruaituten Bial tlawha zin chhuak thei loa an awm hnuin kumin hian boruak a that chhoh tak avangin MBKHP hruaitu ten Tlawh khat Bial pasarih leh Bial ding thar paruk tlawh turin ruahmanna siam a ni a, hei bakah hian Bial atanga sawmna an hmuh angte tihlawhtling zel turin an rel bawk.
