[caption id="attachment_15024" align="alignright" width="300"] Chritian Education Department Comtt. Meeting[/caption]

Mizoram Baptist Kohhran, Christian Education Department Committee chu vawiin, October 11,2019 chawhma dar 10:30 khan BCM Committee Room, Serkawn-ah an thukhawm. 

Meeting hi Committee Chairman, Rev. R.Lalbiakliana,  AGS i/c Service-in a kaihruai a. Rev. ZD Rodingliana, Director, Christian Education Department-in report tlangpui a pe-in, kum 2020 atana Sunday School Zirlaibu leh Syllabus chu peih fel a nih tawh thu a tarlang.

Vawiina an thu ngaihtuah langsar zingah, Sunday School Zirtirtute Orientation course siam thu te, Sunday School Senior Department-ah ‘Senior C’ siam belh chungchang te, Kum 2021-atan zirlaibu thenkhat revise & enlarge chungchang bakah kum 2020-2021 atana Department Annual Plan & Budget ruahmanna te an thlirho bawk.