Mizoram BMP Meet, 2020, Zaipawl te Music Video buatsaih, ‘Ro min rel sak ang che’ tih chu October 14, 2020, khan BCM Hall, Serkawn-ah General Secretary, Rev. F. Ramdinmawia'n mipui en theih turin a tlangzarh.
Thingsaia Mizoram BMP Meet neih tuma BMP Zaipawl te chu Meet zawha tawpsan mai lovin zaipawl tha tak an la ni chhunzawm zel a. Music Video buatsaihin Rokunga phuah, Mizo hnam hla kan tih mai ‘Aw nang, kan Lal, kan Pathian’ tih chu Music Video siamin October 13, 2020 khan BCM Hall, Serkawn-ah General Secretary, Rev. F. Ramdinmawia'n mipui en theih turin a tlangzarh a ni.
BMP Music Video Tlangzarh Inkhawm hi Pu B. Malsawmkima’n a kaihruai a, Rev. Dr. C. Vanlaldika, AGS – Mission-in tawngtaiin Inkhawm a hlan a, Rev. Lalremsiama Ralte, Director, Worship & Music Department-in Music Video chungchang sawihawngin Zaipawl Conductor Pu Chawngrolura Chawngthu-in Technical Report a pe bawk.
General Secretary-in Music Video chu mipui en theiha a tlangzarh hnu-ah enho nghal a ni a, Pu Lalthankunga Sailo-in Lawmthusawina neiin Rev. R. Lalbiakliana, AGS-Service-in Malsawm tawngtaiin inkhawm a khar a ni.
