BCM Relief & Development Department chuan kum tina an tih thin ang in, an Target khaw hrang hrang a Lo leh Huan neitu thlan chhuah te tan thlai chi hrang hrang ‘chi’ te pek chhuahna hun an hmang leh tan ta a.
Heng thlai chi te hi a hun taka lo leh huan neitu tanpui ngai ten thlai an chin theihna turin a man pangngai atanga 90% subsidised in a pe chhuak thin a ni. Kumin a a thawhkhatna atan Khawthlang lam Zawlpui, Tuisenchhuah leh Bolia ah te march ni 23 khan sem chhuah a ni a, Thali chi te hi Zawlpui Pastor Bial, Bialtu Pastor kaltlanga sem a ni.
Hemi rual hian kangmei avanga chenna in leh bungrua kang ral chhungkaw 5 Damparengpui leh Hruitezawl ah te tanpuina pek chhuah a ni bawk a, Kangmei tuarte tanpuina pawh hi Bialtu pastor te kaltlanga pekchhuah a ni.
