Mizoram Baptist Kohhran, Pastor Bial Rorel chu October ni 3 inrinni khan Pastor bial hrang hrangah neih niin tluang taka zawh fel a ni a. Kuminah hian hrileng avangin Inkhawmpui nei lovin Bial rorelna chauh neih a ni a, Sorkarin SOP a duan zulzuiin, Rorel Palai tur pawh Administrative Committee-in ruahmanna a siam angin ro an rel a ni.  

Mizoram Baptist Kohhran-ah Pastor Bial 88 an awm mek a, Bazar Pastor Bial, Lunglei chu Bial lian ber an ni a, he bialah hia Tualchhung Kohhran 4 an awm a, Member 5365 an awm mek a ni. Tun tuma Bial rorel-ah ruat lawk dangin palai 54 an kal a, Tualchhung kohhran 4 an awm a, tun tum rorel-ah hian  agenda 42 lut atanga an thu rel langsar zual zingah - Thupui thlan bik neia Pathian thu zirho rawtna te, Bial chhung kohhran inkhawm hun in ang tlanga neih rawtna te, Ruihhlo ngaite puala hmalak rawtna te chu an pawm a ni.

Hetih lai hian kumin, 2020 a hawn thar, North Vanlaiphai Bial chu Bial te ber niin Tualchhung Kohhran 3 an awm a, member 253 an awm mek a, tun tum rorel-ah hian palai 26 awm in agenda 14 a lut a, Bial Budget atan cheng nuai khat singli sangnga (145000) pawm a ni.