BCM venglai Jubilee Run-08.08.2019[/caption]
August 9.2019: Mizoram Baptist Kohhran, Venglai, Lunglei chuan an Kohhran din Champhaphak, kum 50 na (Golden Jubilee) chu August 8-11 chhung hian ropui takin an lawm mek. Nimin, August 8 zingkarah khan Golden Jubilee hawnna leh a bultanna atan 'Jubilee Run' an nei a, kohhran member 425 an zet an tlan a ni.
August 10, 2019 (Inrinni) hian Biak in thar cheng nuai 700 senga sak chu hawn a ni ang a, Rev.Pc Liandula, BCM President-in a hawng ang a, Biak In hawn zawh veleh Biak In chhungah Lawmthusawi Inkhawm neih zui a ni ang. Inkhawm banah Pathian faka zaikhawm neiin tlai lamah Kohhran Golden Jubilee leh Biak In thar lawmna ruai kilho a ni ang. Ruaithehna tur hian Sial leh bawng leh vawk panga bakah Ar kg 100 leh sangha tam tham tak an siam dawn a ni. Jubilee lawmna leh Biak in thar lawmna ruai kilpui tur hian BCM venhlai Kohhrana lo lawi tawh zawng zawng leh khawpui chhunga Pastor leh Kohhran-a hna thawk zawng zawng te an sawm a ni.
[caption id="attachment_14710" align="aligncenter" width="720"]
Golden Jubilee Run-08.08.2019[/caption]
August 8 zan atang khan Jubilee lawmna Inkhawm progamme zan tin buatsaih a ni a, Pathianni zan thleng hun hman a ni ang a, Speakers - Rev.Dr.Raltawnga, Rev.B.Thangchina, Rev.LB. Khawpuimawia,Upa S.Hmingthanga ten Pathian thuchah an sawi ang.
Baptist Kohhran, Venglai hi August 10, 1969-ah a ding tan a, tunah hian Kohhran member 1738 awmin, chhungkua 390 an awm mek a, Pastor - 1, Kohhran Upa 20 leh Rawngbawltu 12 an awm a ni. Kohhran din tirh atanga kum 50 chhung hian Kohhran hruaitu (Upa leh Rawngbawltu) mi 25 ten Chatuan ram an pan tawh bawk. Venglai Kohhran atang hian Missionary 18 an chhuak tawh a, Pathian thu zir chhuak 11 nei tawhin, la zir mek 2 an nei bawk. He Kohhran hian Team neia rawngbawltu - Evangelistic Team 2 (BCM recognaised) a chherchhuak tawh bawk.
[caption id="attachment_14711" align="aligncenter" width="720"]
BCM venglai 'Golden Jubilee Run'[/caption]
[caption id="attachment_14709" align="aligncenter" width="720"]
Mizoram Baptist Kohhran Biak In, Venglai, Lunglei[/caption]
