Serving In Mission-North East India Annual Board meeting leh Annual General Council meeting vawi 19-na, May 28-29, 2026 – chu BCM in thlengin Baptist House, Shillong-ah neih a ni.
May 28, 2026 (Ningani) tlai Dar 5:00 ah tanin Elder Robert L. Dkhar, Chairman-in kaihruaiin, Rev. Dr. Meyu Changkiri, Treasurer-in hunserh a hmang a, Rev. Remlalliana Fanai, Missionary, Ghanna in an rawngbawlna chanchin ngaihnawm takin report a pe bawk.
May 29, 2026 (Zirtawpni) Zing dar 7:00 ah hun hman tan leh niin, Dr. Khee Yang, Director, SIM East Asia in SIM rawngbawlna chanchin te a sawi a, reports hrang hrang ngaihthlak leh niin rorelna neih chhunzawm nghal a ni. Thurel pawimawh zualte chu:
1. SIMNEI pualin Shillong-ah hmunhma nghet neih rel a ni a, a lo bawhzui tur mi 5 ruat an ni.
2. SIMNEI Board member thar atan Rev. PC. Lalropuia, BCM chu ruat a ni.
3. Motor thar leh Laptop thar lei tura rel a ni.
4. SIMNEI hian Coordinator nei ve tawh ila tih a ni a, Rev.Samuel Guite, Churachandpur chu ruat a ni.
5. SIMNEI Fundriser thar ruat an ni.
6. Pre-Missionary training Centre tur Mizoram leh Nagaland-ah ngaihtuah ni se tih a ni.
7. SIMNEI Annual Council Meeting neih leh hun tur atan May, 27-28, 2027 ruat a ni a, a hmun tur hi la ngaihtuah chawp tur a ni ang.
He meeting-ah hian Rev. R. Lalrntluanga, AGS, Mission chu a tel hman loh avangin a aiawhin Rev. PC. Lalropuia, Bialtu Pastor, Shillong Pastor Bial chu a tel a, SIMNEI hian lawmthu sawina thuziak (Citation) mawi tak bakah Chawei thleng eng emaw zat Baptist House a hman tur an pe a ni.
