May 4, 2023 (Ningani) kha Baptist Mipa Pawl (BMP) din champha phak vawi 43-na a ni a, BMP awmna Unit tinah thupui Headquarters atanga thupui thlan sa “Intodelh” tih hmangin hun hman a ni a. Zing karah Social Service te neiin, Unit thenkhat chuan chhun lamah infiamna leh intihhlimna tein hun an hmang a, Mizoram BMP hruaitu te pawhin Unit hrang hrang-ah hetiang hian BMP Day hi an hmanpu a ni.

Director, Medical & Health Department report in a tarlan danin -  April 2023 chhungin Christian Hospital Serkawn-ah damlo 1652 in entirin, an zinga 297 admit an ni a, nau piang 23  an awm lai in mitthi 7 an nei thung. Mi 97 zai an ni a, an zinga 47 chu Zai pui (Major Operation) an ni. Laboratory-ah mi 1590 exam an ni a, mi 262X Ray-in dam lo te hnenah thisen unit 53 pek a ni.

Kar hmasa leh tunkar chhunga Mission rawngbalwna chanchin kan hriat theih te lo tarlang i la.

April 28-30 2023 khan ṬKP Hauruang Pastor Bial  chuan ‘I rawngbawlna kha hlen rawh’ (II Tim 4:5) thupuia hmangin BCM Biak In, Runtungah Bial TKP Meet an nei a, thuchah ṭha tak tak ngaihthlak niin BCM Hauruang Pastor Bial Zaipawl ten zaia rawngbawlna an nei bawk

April 28 - 30 hmang khan Shalom Tualchhung Kohhran, Aizawl-ah Rev. Dr. R. Lalthanmawia, AGS Mission Speaker-a hmangin Weekend Crusade neih a ni a. Zirtawp zan, Inrinni zan, Pathianni zing leh Pathianni zanah te thuchah a sawi a, Inkhawm apiangin Tualchung Kohran zaipawl bakah, mal zai leh group zai te a awm thin a, Zai boruak a nuamin Kohhran te an hlim hle a ni.

April 29, 2023 Inrinni khan  ṬKP Bawngkawn Pastor Bial  chuan Plan a an dah angin Civil Hospital Aizawl Blood Bank-a dah turin BCM Chaltlang Kohhran Hall ah thisen an pe a, unit 95 an pe.

April 29-30, 2023 khan Lawngtlai East Pastor Bial Sunday School Committee buatsaihin Intemediate Meet leh Quiz Competition, BCM Biak In, Bazar Veng, Lawngtlai-ah neih a ni a. He Meet-ah hian Rev. Lalzarliana Khiangte, Bialtu Pastor, Lawngtlai East chu Speaker niin Rastriya Kishore Swasthya Karyarram (RKSK) thawktute chu Resource person-ah hman an ni.

April 28, 2023 khan BCM Committee Room No.1 ah Education Department Committee-in BCM School leh Collage-a thawk (Casual Worker) te dinhmun leh hlawh chungchang lo thlir a, rauhmanna lo siam tura a ruat angin, Rev. R. Lalnunzira, AGS Service leh Rev. L. Vanlalsanga, Education Department Director te kaihhruai-in BCM enkawl School leh College Principal te inrawnkhawmna neih a ni.

Champhai ABC hawnna hi BCM Biak In, Kahrawt, Champhai-ah neih a ni a, Upa P. Siamhranga, Chairman, Aizawl East ABC in inkhawm a kaihruai a, Upa Lallianzuala Hnamte, Aizawl East ABC in report pe-in,  Rev. R. Lalbiakliana, Gen.Secretary in Area Baptist Council 17-na ni turin Champhai ABC hi a hawng

May 2, 2023 (Thawhlehni) hi Baptist Kohhran Hmeichhe Pawl (BKHP) din champha phak vawi 85-na a ni a. He Ni hi BKHP Unit tinah hman a ni. Mizoram BKHP chuan he Ni hi Khawtlang tana mi tangkai ni tura inzirtirna leh thiltha tih nana hmang uar tura chahin Bial leh Unit tinte hnenah ngenna a siam a. Unit tam zawk chuan MBKHP-in a duh dan angin, zingkarah mahni awmna veng leh a chhehvel tifaia hnatlang an nei

Workers' Condolence Scheme General Meeting hi April 26, 2023 nilaini khan BCM Hall, Headquarters Office Serkawn ah neih a ni a, thawktu 73 an kal thei. WCS Chairman Upa K. Lalnuntluanga'n Meeting a kaihruai a, Upa Biakchungnunga Secretary hnen atangin report tlangpui ngaihthlak a ni. Secretary report in a tarlan zing ah; WCS zawmtu hi mi 862 an awm mek thu te, April 19 a Pi B. Laldinpuii a boral thu leh WCS inkaihhruaina anga Rs 70,000 a remchang hmasa bera ral a nih tur thu te, 2020 General Meeting in a rel angin, pensioner ten WCS an zawm tawh dawn loh thu leh pensioner la zawm mek thlah hmabak mi 17 an la awm thu te a tel.

Kar leh Thawhlehni, May 2, 2023 k hi Baptist Kohhran Hmeichhe Pawl (BKHP) din champha phaThawhlehni, May 2, 2023 hi Baptist Kohhran Hmeichhe Pawl (BKHP) din champha phak vawi 85-na a ni a. He Ni hi BKHP Unit tinah hman a ni ang. Inkhawm Programme pawh Bial leh Unit ten tul leh tha an tih angin an hmang dawn a ni.

Tunkar chhunga Ramthim Rawngbawlna kan hriat theih te -

ṬKP Electric Pastor Bial, Lunglei chuan April ni 24, 2023, Thawhṭanni zan khan BCM Biak In, Electric Vengah Bial Huap Inkhawm an nei a. Tun tum hi vawihnih an neihna niin, Bial chhunga Unit hrang hrang te an kal tha hle.

ṬKP, Zobawk South Pastor Bial chuan April 21 & 22, 2023  khan BCM Ebenezer Zobawkah, Bial Sports Meet an nei a. Ningani leh Zirtawpni chhun-ah Sports Meet hi neiin, Zobawk Field-ah infiamna chi hrang hrang hmanga inelna neih a ni a. Zirtawp zanah BCM Biak In, Ebenezer Zobawkah Fellowship neiin, Tv. T.Lalchhandama, Assistant Secretary, Bial ṬKP-in Fellowship a kaihruai a. Bial chhunga Unit hrang hrang atangin Special Item a awm bawk.  Rev. C.Lalbiakzuala, Bialtu Pastor-in thuchah sawiin Inelna hrang hrang-a ti thate hnenah Lawmman semna neih  a ni a, hei bakah hian Unit tinin lawmman an dawng bawk.