September 15-17, 2023 hmang khan Kristian Naupang Pawl, Kolasib Pastor Bial chuan BCM Biak In Diakkawn-ah Sam 73:28 thu ‘Pathian Hnaih’ tih thupuia hmangin Bial KNP Inkhawmpui Vawi 10 na an hmang a, Speaker-ah KNP Trainer Pi Ammie Lalnunpuii an hmang. Speaker hi a pasal leh fate 3 in an tawiawm a, an fate pawhin special item te neiin Inkhawmpui an ti phuisui hle.

September 15-17 hmang khan BCM Chanmari Vengthlang, Lunglei chuan Pu T. Nghaksanga, Mission Promoter Speaker-a Mission Crusade an nei a. thupui-ah ‘Pathian leh Kohhran Mission’ tih thu hman a ni.

September 15-17 hmang khan AGS-Service Rev. R. Lalnunzira chuan BCM Peniel, Hnahthialah Crusade Speaker niin hun a hmang a, Crusade hi Zirtawp zanah tanin, Inrinni chawhma-ah Sermon Inkhawm neiin Chawhnu lamaah Kohhran Hruaitute leh Fellowship hruaitute pualin Semianr a neihpui a, Kohhran thurin hrilhfiahna leh chhuizauna thupuia hmangin zirtirna a nei a ni.

BMP Siaha East Pastor Bial chuan Planninga an dah angin September ni 16-17 khan BCM Biak in Niawhtlang-ah Fakna inkhawmpui an hmang. He Fakna Inkhawmpuiah hian Speaker-ah Rbt Chawngrolura Chawngthu, President, MBMP hmangin, speaker bakah hian MBMP hruaitu te Rbt Pu Vanlalpeka, Finance Secretary, MBMP te’n an hmanpui bawk.

September 16 - 19, 2023 chhung khan BCM President, Rev. KV. Thanga chuan BCM Kahrawt, Champhai-ah Crusade neiin hun a hmanpui a, Crusade boruak tha tak neiin Kohhran ten hlawk thlak an ti hle.

September 17 (Pathianni) chawhnuah khân ṬKP Tlabung Unit te chuan Unit plan-a an neih angin Tuilûang hmangin rawngbawlna an nei. ṬKP Tlabung Unit te hian Tuilûang hmanga rawngbawlna hi hun rei tawh tak aṭangin an lo kalpui tawh a, mei mit lo vin kumin thlengin an la kalpui ta zel a ni.

September 11-14 chhung khan Aisia khawmualpui Baptist Kohhran Hmeichhe Inkhawmpui vawi 14-na (Asia Pacific Baptist Women’s Union (ABWU) 14th Biniel General Assembly) chu  Indonesia khawpui, Jakarta-ah neih a ni a.  Inkhawmpui thupui - ‘Soar to Greater Heights’ (Kolosa 3:1-2) tih thupui-a hmangin thuchah ropui tak tak ngaihthlak thin a ni a,  thupui  then hrang hrang hmang hian Workshop neih thin a ni bawk.

September 13 (Nilaini) khan Sap Upa leh Pu Buanga Hall, Serkawn-ah Probationary Pastor Annual Exam neih a ni a. Tun tun tumah hian Pro.Pastor Kum Khatna mi-9, Kum Hnihna mi - 5 leh Kum Thumna mi-12, an vaiin 26 in exam hi an nei a ni.

Director, Medical & Health Department report in a tarlan danin – August 2023 chhungin Christian Hospital Serkawn-ah damlo 2481 in entirin, an zinga 356 admit an ni a, nau piang 39  an awm laiin mitthi 7 an nei thung. Report kimchang hetiang hi a ni:-

Tunkar Thawhtanni, September 11,2023 zing dar 10:30 khan Assembly 2023 in a lo phal sak tawh angin Baptist Masihi Mission hman tur Motor lei thar Bolero Camper chu Pathian hnena hlanna, Headquarters Office kawt-ah neih a ni a. Motor thar hlanna hun hi General Secretary, Rev. R. Lalbiakliana’n a kaihruai a, Upa Biakchungnunga, Office Superintendent-in Pathian hnenah a hlan.

September 13,2024 (Nilaini) khan 20nd.Bn.BSF (Zotlang Camp) te chuan BCM Nauhnuchham enkawlna (BCO) tlawhin BCO hnenah thilpek chi hrang hrang an hlan. BSF te hi Inspector Arun-in rawn hovin sipai thenkhat leh an nupui fanau te nen an rawn kal a,  naupang zirna atan a mamawh hrang hrang an pe.

September 13, Nilaini chawhma dar 11 khan Radio Gupsup neitu te leh Communications Department enkawltu te Radio Programme chungchanga inbiakna Baptist House Khatla ah an nei a, Radio Programme chungchanga inbiakna ah hian Communications Department aiawhin Pu C. Lalhmachhuana, Manager, Audio Visual Production a tel a, Radio Gupsup lam atangin Matilda Tochhawng, Programming Head, Aizawl Station leh Mandy, Cluster Programming Head, Guwahati te an tel.

September 8, 2023 (Zirtawpni) khan Assembly-in a lo pass tawh leh Social Concern Deparmtent ruahmanna-in Lawngtlai-ah Baptist Counseling Centre chu Rev. R. Lalnunzira, AGS-Service-in a hawng.

Vawiin, September 8, 2023 (zing dar 10:00) khan BCM Hall, Serkawn-ah  Mizorama Chanchin Tha lo thlen kum 50-na leh kum 100 tlin lawmna chanchin ziakna lehkhabu chu Rev. Dr. Raltawnga, Foremer General Secretary, BCM-in tlangzarhin Pathian hnenah a hlan. Lehkhabu tlangzarh hun hi BCM Headquarters Office Moring Devotion zawh-ah neih zui niin Headquarters Office a thawktuten an telpui nghal a ni.

BCM Assembly-in Ram pum-ah awmni kham tawngtai rualna neih ni se tia a thu passed bawhzuina leh Worship Depaermtnet-in ruamhanna a siam angin September 9, 2023 (Inrinni) hian Mizoram Baptist Kohhran chuan awmni khamin tawngtaina an nei dawn a. Pastor Bial kaltlangin Tualchhung Kohhran tinah he Ni hmang tura sawmna leh ngenna pawh tih chhuah a ni.