Mizoram Baptist Kohhran rorelna sang ber Assembly 2024-in 12th Pay Commission din a rawt angin, 12th Pay Commission chu a vawi khat nan May 10, 2024 khan Headquarters Office-ah thutkhawmna neih a ni.

Kum dang ang bawkin “Kristian chhungkaw Chawlhkar” chu May 13-19, 2024 chhung hian Tualchhung kohhran tin leh chhungkaw tinah hman a ni leh dawn a. Hemi chawlhkar-a chhungkaw thu zir tur Rev. L. Vanlalsanga ziak Kristian Chhungkaw chungchang zirlai 6 awmna pawh Headquarters atangin Pastor bial hrang hrang ah chhungtin te daih tura sem chhuah tawh a ni.

Revival & Evangelism Committee chuan  Evangelistic Team Recognition dil tute zingah Krista Thuhretu Team, Speaker Rbt. David V. Lalengzauva, BCM Bualte chu recognition a pe thar,  Hemi rual hian Evangelistic team 53 te Recognition chhunzawm remtih a ni bawk. Tihian Revival & Evangelism Committee hnuaia Evangelistic Team 53 renew tak te leh a thar pakhat nen Team 54 an awm dawn ta a ni.

May 8, 2024 khan Mission Field Account audit tura ruat - Upa R. Lalbiakmuana, Account Officer, Pu H. Lalhuzauva, Account Officer, Tv. Laldinliana, Cashier leh Upa B. Sangmawia te   chuan Kolkatta Region leh Guwahati Region hnuaia Mission Field leh School hrang hrangte Accounts Audit turin an chhuak a, May 9 (Ningani) atang khan Baptist House, Kolkata-ah Audit- hna an tan nghal a ni.

Mizoram Kohhran hrang hrang hruaitute inrawnkhawmin a rel “Mizorama Kohhran Inzawmkhawm Pawl’ (Council of Churches in Mizoram) din tura hma lakna kal zelah May 6, 2024 khan BCM Headquarters Office, Serkawn-ah Drafting Committee an thu khawm. Meeting hi Rev. R. Lalnunzira, Convener, CCM Drafting Committee-in a kaihruai a. Kohhran hrang hrang –aiawh committee member te an kal khawm a ni.

May 4 leh ni 5 hmang khan Baptist Centre, Falkland, Aizawl-ah Aizawl Area Pastors Meet 2024 neih a ni a. General Secretary Rev. R. Lalbiakliana chuan Thupui sawihawnna neiin, Resource Person pahnih – Rev. R. Lalrintluanga, Executive Secretary, Aizawl leh Rev. Vanlalmuankima, Director, pastoral Department ten Papper buatsaihin zirtirna an pe bawk. Tun tumah hian Aizawl Area huam chhunga Bialtu pastor te leh Bial nei lo active pastor te nen an vaiin mi 44 an tel thei a ni.

May 4, 2024 (Inrinni) chawhma dar 11:00 khan Aizawl Area Development Committee Meeting, Baptist Centre, Falkland-ah neih a ni a.  Meeting hi Chairman Rev. C. Lalhungliana’n a kaihruai a, Secretary Rev. R. Lalrintluanga, Executive Secretary, Aizawl Area ni bawkin report a pe a. Tun tum meeting-ah hian committee member 52 an tel thei a ni.

May 3-5 hmang khan BKHP Lawngtlai South Pastor Bial chuan, BCM Biak In Chawnhu ah Tawngtai Inkhawmpui an nei a, Bialtu Pastor Rev K. Laldosanga chu Speaker niin, Speaker hian thupui thlan sa, "Tho la, I Pathian ko rawh" tih thupui hmangin thuchah a puangchhuak thin a ni. Biak In lamah Inkhawm Programme bakah hian Inrinni chawhnu-ah Pastor Thanzinga Tawngtaina tlangah Bethel an nei a, hetah hian BKHP member 130 chuang an tel  a ni.

April ni 30 atanga May ni 3 chhung khan Vision Centre Christian Hospital, Serkawn-ah Eye Care, Aizawl leh Christian Hospital, Serkawn te tangkawpin  Mit entirna runpui (Eye Camp) an buatsaih a. Eye Care, Aizawl atangin Dr. K. Lalremsanga hovin Mit lam thiam doctor leh thawktu te an lo kal a, Christian Hospital-a Doctor leh Nurse ten lo tawiawmin hlawhtling takin Eye Camp hi neih a ni. Tun tumah hian mi 123 inentirin, heng atang hian Contaract (Mitnaute paw) 28 an zai sak a ni.

May 3- 5 hmang khan Pangzawl Pastoir Bial leh Thenzawl Pastor Bial ten hetiang hian Mission Convention an nei

May 4, 2024 kha Baptist Mipa Pawl (BMP) din champha phak vawi 44-na a ni a. Kumin BMP Day thupui chu “Kristian Chhungkua’ tih a ni. Hemi ni hian BMP Unit hrang hrang ten zingkarah khawlai tihfai hnatlang te an thawk a, Unit thenkhatah chuan awmni khamin nilengin hun hman a n

Mizoram Baptist Kohhran, Medical & Health Department, Christian Hospital, Serkawn-a LDC hna thawk mek Pu C. Vanlalnghaka chu. May 1, 2024 (Nilaini) chawhma dar 11:40 khan Christian Medical College & Hospital, Vellore -ah chatuan ram min pan san ta.

Mizoram Baptist Kohhran,  Theological Education Committee Meeting May 3, 2024-a neih chuan Academic Session thar 2024-2025 atan Pathianthu leh Church Music zir tur hetiang hian a la thar. 1. Master of Theology (M.Th) zir tur mi - 9 2. Bachelor of Divinity (B.D) zir tur- 24 3. Master of Divinity - 5 4. Diploma in Church Music zir tur  – 3 Result kimchang hre duh tan a hnuaia link tarlan ah hian en theih a ni a, tin PDF file hi download theih a ni e.

#May 2, 2024 kha Baptist Kohhran Hmeichhe Pawl (BKHP) din champha phak vawi 86-na a ni a. Kumin BKHP Day thupui chu “Tho la i Pathian ko rawh’ (Jona 1:6) a ni. MBKHP lam atanga ruahman leh ngenna an siam angin hemi ni zing kar leh chhun lama hun hmang thei te chuan Khawtlang tana thil tha tihna atan hmangin khawlai tihfai hna te an thawk a, zan lam-ah BKHP Day pualin inkhawmin, thupui thlan sa hmangin thuchah ngaihthlak a ni. Hemi Ni pual inkhawm thawhlawm hi Mission Field leh Kohhran harsa zual tanpui nan hman tura ruahman a ni.

Administartive Committee ruahmanna a kum 5 lai deputation a a awm hnu in, May 1, 2024 (Nilaini) chawhnu dar 1:30 khan Associate General Secretary-Service kaihhruaina-in Audio Visual Production Manager ni lai Tv C. Lalhmachhuana chuan Pu C. Lalengkima, Senior Production Assistant, hnenah Manager charge a hlan a, Manager thar ruat a nih hma chu Pu C. Lalengkima hian Manger mawhphurhna (charge) hi a chelh rih ang.