August ni 10, 2024(inrinni) khan Mizoram Ṭhalai Kristian Pawl Executive Committee Meeting Vawi 548 chu Sap Upa leh Pu Buanga Hall, BCM Hqtrs Office, Serkawn-ah tluang taka neih a ni. Meeting hi Upa R. Lalrochama, President MṬKP chuan kaihruaiin, MṬKP Secretary Rev. F.Zorinkhuma hnen aṭangin Meeting hmasa thurel umzui dan hrang hrang te, MṬKP thuzir exam question peih a nih tawh thu leh thawn chhuah tur hmalak mek a ni thu te, Youth Centre Development Committee hmalakna te, Kohhran leh Sawrkar hmalakna hrang hranga Mizoram ṬKP tel ve na te leh MṬKP hmalakna hrang hrangte report a pe a. Report kim chang hi rorel member te hnenah ziaka sem a ni.

August 10 & 11 hmang khan Paithar Pastor Bial chuan “Fakna Thiltihtheihna” tih thupui a hmangin Bial huap Fakna inkhawmpui, BCM Biak In, Sihtlangpuiah an nei a. Speaker-ah Bialtu Pastor Rev. R. Lalkhamliana hmangin, Tv. Oscar Zaihmingthana’n Zaia rawngbawlin a tawiawm bawk.

Mizoram Thalai Kristian pawl Rorel 2024-in “Sorkar ṭha kan neih theih nân, Pathianni tlâi vawikhat chaw nghei ṭawngṭài neih ni se” tih thu a lo passed tawh chu MTKP Executive Committee chuan ngaihtuahin,  August 18, 2024 (Pathianni) tlai hian  TKP unit tinah chawnghei tawngtai neih turin ruahmanna a siam a. Tawngtai thupui siamin Unit tinah heng thupui hmang hian chawnghei tawngtai a rualin neih a ni dawn a ni. Tawngtai thupui tur chu heng te hi an ni:-

Agust 10, 2024 (Inrinni) khan Serte Bial Sunday School Committee buatsaihin Baptisma, Intemediate leh Senior ‘A’ zirlai te huapin Sunday School meet BCM Biak In, South Lungdaiah neih a ni a, Resource person-ah Upa Pc Vanlalrova, Sunday School Trainer an hmang. Sunday School zirlai 130 chuang kalin, Bial Sunday School puipate leh Tualchhung Sunday School zirtirtu leh hruaituten an tawiawm bawk.

August ni 9, Zirtawpni khan BCM Chanmari Lunglei Kohhran Committee Room-ah Mizoram Baptist Kohhran Mipa Pawl Executive Committee Meeting neih a ni a, Committee memberte an kal ṭha hle.

Baptist Higher Secondary School, Serkawn chuan  Rev. Dr. H. Lalthlamuana, Executive Secretary, Lawngtlai Speaker – a hmangin nimin, August 7 (Nilaini) atang khan BCM Biak In, Serkawn-ah Gospel Meeting an nei mek a, naktuk - August 9 (Zirtawp) thleng Gospel Meeting hi an nei ang.

August 8, 2024 (Ningani) khan Mizoram Baptist kohhran, Relief & Development Department buatsaihin Theizawl refugee Camp-a awm te pualin Chhiatna lo thleng thin pumpelh theih dan (Disaster Risk Reduction) leh Hmeichhiat – mipatna laka kum tling lo te venhimna dan (Protection of Children against Sexual Offences Act 2012) chungchang zirtirna an nei a, Resource person-ah  Rbt. Lalrinawma, Coordinator leh Nl. T. Lalfawnveli, Asst.Coordinator te hman an ni.

Social Concern Department, Ruihhlo Do Committee chuan Campaigner te hman tur-in Ruihhlo Do Kaihhruaina (Booklet) Pi Lalnunzamai Chawngthu, Project manager, Chhawmdawlna In ziak chu hman theih turin chhut zawh a ni a, Bialtu Pastor te, Social Concern Department-in Campaigner atana a ruat te leh Ruihhlo do Programme hrang hranga Resource person atana ruat ten an mamawh angin Headquarters Office, Serkawn-ah lam theih a ni.

August 2, 2024 khan BCM Ebenezer, Darzo-ah Worship Training neih a ni a, Worship Department Trainer Upa K.Lalthansang'n Training hi neihpuiin, Zirtawp zan leh Inrini nilengin Training hi neih a ni a, Training-ah hian  Kohhran-a Zai hruaitute leh Musician te, Felloship hruaitute leh worship Committee memberte nen mi 40 zet an kal khawm a ni.

Christian Education Department buatsaihin August 3-4, 2024 hmang khan, Zotlang Bial, Aizawl Sunday School Meet chu BCM Biak In, Zotlang, Aizawl-ah neih a ni a. Resource person-ah Sunday School Trainer pahnih Upa Lalhmukima Kawlni leh Upa P.C.Vanlalrova te hman an ni a, Nl Rohluzuali, Kanaan, Lunglawn Bial-in zaia rawngbawlin tawiawm bawk.

August 2-4 (Zirtawp zan atanga Pathianni zan) hmang khan Mission Department ruahmanna-in Mission Inkhawmpui thawh hnihna chu Theiriat Bial, Lunglawn Bial leh Chanmari Bial te infinin BCM Biak In, Salem, Lunglei-ah neih a ni. Inkhawmpui thupui ah “Ram lak tur lah chu a la tam mai si a” (Josua 13:1) tih thu hman a ni a, Speaker Rev. Dr. R. Lalthanmawia, AGS Mission, Rev. R. Lalnunzira, AGS Service leh Rev. Lalremsiama Ralte, Mission Director te hman an ni a, Mission Focus & Discussion hruaitu atan Pu T. Ngahksanga, Mission Promoter hman a ni bawk.

Baptist Higher Secondary School, Management Committee Meeting 18th July, 2024-a neih chuan Lecturer(Mathematics), Baptist Higher Secondary School, Serkawn-a thawk turin Lallianpuii Sailo, d/o Nghakmawia Sawilo, BCM Chanmari, Lunglei chu a la thar.

Pu Lalruatkima, Administrative Officer BCM Hqrs. Office chu Zomi Baptist Church Youth Conference vawi 4-na hmanpui leh Kohhran thilpawimawh hrang hrang buaipuia USA a zin chu July 30, 2024 khan dam takin Headquarters a lo thleng leh ta.

General Secretary - Rev R. Lalbiakliana & Retired Minister - Rev F. Sangvela te chu July 29, 2024 (Thawhtanni) khan South Asia Theological & Seminary, Bangalore chuan Honorary Doctoral Degree an pe.

BCM Education Department Committee Meeting dated 1st August, 2024-a neih chuan heng a hnuaia hming tar lante hi Assistant Professor(Philosophy) – Contract & High School Teacher (General) – Contract, Higher and Technical Institute, Mizoram (HATIM) leh Baptist Higher Seconday School, Serkawn-a thawk turin a la thar a. 5th August, 2024 (Monday) Dar 10:30 Am-ah Director, Education Department, BCM hnenah Joining Report an pek hnuin an thawhna hmun zawm tura tih an ni.